സംഭാവനയുടെ ‘സിംഹഭാഗവും’ താമരയ്ക്ക്; കോൺഗ്രസിനും തൃണമൂലിനും കിട്ടിയത് വെറും ‘ചില്ലറ’
ന്യൂഡൽഹി: കഴിഞ്ഞ സാമ്പത്തിക വർഷം തെരഞ്ഞെടുപ്പ് ട്രസ്റ്റുകൾ വഴി വിവിധ രാഷ്ട്രീയ പാർട്ടികൾക്ക് ലഭിച്ച ആകെ സംഭാവന 3,826.35 കോടി രൂപയാണെന്ന് റിപ്പോർട്ട്. ഇതിൽ 3,157.65 കോടി രൂപ (82.52%) ലഭിച്ചത് ഭാരതീയ ജനതാ പാർട്ടിക്കാണ്.
ഇന്ത്യൻ നാഷണൽ കോൺഗ്രസ്ക്ക് 298.78 കോടി രൂപയും
അഖില ഭാരത തൃണമൂൽ കോൺഗ്രസ്ക്ക് 102 കോടി രൂപയും ലഭിച്ചു.
ആകെ രജിസ്റ്റർ ചെയ്ത 20 തെരഞ്ഞെടുപ്പ് ട്രസ്റ്റുകളിൽ 15 എണ്ണം വാർഷിക റിപ്പോർട്ട് സമർപ്പിച്ചെങ്കിലും, സംഭാവന ലഭിച്ചതായി വ്യക്തമാക്കിയത് 10 രാഷ്ട്രീയ പാർട്ടികളാണ്.
ഏറ്റവും കൂടുതൽ സംഭാവന നൽകിയ ട്രസ്റ്റായി പ്രുഡന്റ് ഇലക്ടറൽ ട്രസ്റ്റ് മുന്നിലെത്തി. ഈ ട്രസ്റ്റിൽ നിന്ന് മാത്രം 2,668.46 കോടി രൂപയുടെ സംഭാവനയാണ് നൽകപ്പെട്ടത്.
ഇക്കാര്യം വ്യക്തമാക്കുന്നത് അസോസിയേഷൻ ഫോർ ഡെമോക്രാറ്റിക് റിഫോംസ് പുറത്തിറക്കിയ റിപ്പോർട്ടിലാണ്.
സംസ്ഥാനങ്ങളിലേക്കുള്ള സംഭാവന കണക്കിൽ മഹാരാഷ്ട്രയാണ് മുന്നിൽ – 1,225.43 കോടി രൂപ.
തുടർന്ന് തെലങ്കാന – 358.25 കോടി, ഹരിയാന – 212.90 കോടി, പശ്ചിമ ബംഗാൾ – 203.85 കോടി, ഗുജറാത്ത് – 200.50 കോടി എന്നിങ്ങനെയാണ് കണക്ക്.
കേരളത്തിൽ നിന്ന് രാഷ്ട്രീയ പാർട്ടികൾക്ക് ലഭിച്ച സംഭാവന 50 കോടി രൂപയാണ്.
2024–25 സാമ്പത്തിക വർഷത്തിൽ 228 വ്യാപാര സ്ഥാപനങ്ങൾ ചേർന്ന് 3,636.82 കോടി രൂപ സംഭാവന നൽകി.
വ്യക്തികളിൽ നിന്ന് ലഭിച്ചത് 187.62 കോടി രൂപയാണ്.
ഏറ്റവും കൂടുതൽ സംഭാവന നൽകിയ സ്ഥാപനമായി എലിവേറ്റഡ് അവന്യൂ റിയൽറ്റി (500 കോടി) മുന്നിലെത്തി.
തുടർന്ന് ടാറ്റാ സൺസ് – 308.13 കോടി,
ടാറ്റാ കൺസൾട്ടൻസി സർവീസസ് – 217.62 കോടി,
മേഘ എൻജിനിയറിങ് ആൻഡ് ഇൻഫ്രാസ്ട്രക്ചർ – 175 കോടി എന്നിങ്ങനെയാണ് കണക്കുകൾ.
മേഖല തിരിച്ചുള്ള സംഭാവനയിൽ നിർമാണ മേഖലയാണ് മുന്നിൽ – 1,063.13 കോടി രൂപ (27.78%).
റിയൽ എസ്റ്റേറ്റ് മേഖല – 629.17 കോടി (16.44%),
വിവരസാങ്കേതിക – ടെലികമ്മ്യൂണിക്കേഷൻ മേഖല – 451.86 കോടി (11.81%) എന്നിങ്ങനെയും സംഭാവന ലഭിച്ചു.
English Summary
Political parties in India received ₹3,826.35 crore through electoral trusts in the last financial year. The BJP alone received ₹3,157.65 crore (82.52%), while the Congress received ₹298.78 crore and the Trinamool Congress ₹102 crore.
Prudent Electoral Trust was the largest donor trust, contributing ₹2,668.46 crore, according to a report by the Association for Democratic Reforms (ADR). Maharashtra topped the list of states in contributions. Corporate donors accounted for most of the funding, with the construction sector leading overall.
electoral-trust-donations-2024-25-bjp-major-share-adr-report
electoral trusts, political funding, BJP, Congress, Trinamool Congress, ADR report, Prudent Electoral Trust, corporate donations, election finance, Indian politics
