കോഴിക്കോട്: വോട്ടിനു പകരമായി വസ്ത്രം നൽകിയെന്ന പരാതിയിൽ ബിജെപി പ്രവർത്തകനെതിരെ കേസ്. വയനാട് ലോക്സഭാ മണ്ഡലത്തിൽ ഉൾപ്പെടുന്ന തിരുവമ്പാടി പൊന്നാങ്കയം സ്വദേശി കാനാട്ട് രഘുലാലിനെതിരെയാണ് നടപടി. ഇയാളുടെ വീട്ടിൽ നിന്നും വലിയ തോതിൽ തുണിത്തരങ്ങൾ കണ്ടെത്തിയിരുന്നു.

തിരഞ്ഞെടുപ്പിന്റെ തലേ ദിവസമാണ് സംഭവം. തിരുവമ്പാടി മണ്ഡലത്തിൽ വോട്ടർമാർക്ക് വിതരണം ചെയ്യാനാണ് വസ്ത്രം വീട്ടിൽ സൂക്ഷിച്ചതെന്നാണ് സിപിഐഎം ഉന്നയിക്കുന്ന ആരോപണം. നേരത്തേ വയനാട് മണ്ഡലത്തിൽ നിന്ന് വിതരണം ചെയ്യാനായി തയാറാക്കിയ ഭക്ഷ്യ കിറ്റ് കണ്ടെടുത്തിരുന്നു.

Read Also: നട്ടപ്പാതിരായ്ക്ക് ചീട്ടുകളിയും വെള്ളമടിയും; ലഹരി മൂത്തപ്പോൾ തർക്കമായി, കത്തികുത്തായി; ആദ്യകുർബാന ചടങ്ങിനെത്തിയ യുവാവിനെ കുത്തിമലർത്തി യുവാവ്; ജീവൻ നഷ്ടമായത് പാല സ്വദേശിയായ 26കാരന്