ഒരുകാലത്ത് കടബാധ്യതയില് പെട്ട് പ്രയാസപ്പെട്ടിരുന്ന എനിക്ക് 50 ലക്ഷം രൂപയുടെ സമ്മാനം നല്കി
ബെംഗളൂരു: വ്യവസായ പ്രമുഖനും കോണ്ഫിഡന്റ് ഗ്രൂപ്പ് ചെയര്മാനുമായ സി.ജെ. റോയിയുടെ ആത്മഹത്യ നാടിനെ ഞെട്ടിച്ചിരിക്കുകയാണ്.
ആദായനികുതി റെയ്ഡിനിടെ ബെംഗളൂരുവിലെ വസതിയില് വെച്ച് റോയ് സ്വയം വെടിവെച്ച് മരിച്ചതായാണ് വിവരം.
സംഭവത്തില് നിരവധി പേരാണ് സമൂഹമാധ്യമങ്ങളില് അനുശോചനം രേഖപ്പെടുത്തുന്നത്.
ബിഗ് ബോസ് മലയാളം സീസണ് 5 വിജയിയായ അഖില് മാരാര് റോയിയുടെ വിയോഗത്തെക്കുറിച്ച് വികാരനിര്ഭരമായി പ്രതികരിച്ചു. “അക്ഷരാര്ഥത്തില് ഞെട്ടിപ്പോയ മരണമാണ് റോയ് സാറിന്റേത്” എന്നാണ് അഖില് കുറിച്ചത്.
ബിഗ് ബോസ് കിരീടം നേടിയപ്പോള് ഒന്നാം സമ്മാനമായി ലഭിച്ച 50 ലക്ഷം രൂപ അഖിലിന് നല്കിയതും സി.ജെ. റോയ് ആയിരുന്നുവെന്ന് അദ്ദേഹം ഓര്മിപ്പിച്ചു.
അഖിലിന്റെ കുറിപ്പില് റോയിയെ “ഒരുപാട് പേരുടെ ജീവിതത്തില് സമ്മാനങ്ങളിലൂടെ വലിയ മാറ്റം വരുത്തിയ മനുഷ്യന്” എന്നാണ് വിശേഷിപ്പിക്കുന്നത്.
“ഒരുകാലത്ത് കടബാധ്യതയില് പെട്ട് പ്രയാസപ്പെട്ടിരുന്ന എനിക്ക് 50 ലക്ഷം രൂപയുടെ സമ്മാനം നല്കി ജീവിതം മാറ്റിയ വ്യക്തിയാണ് അദ്ദേഹം. നിരവധി റിയാലിറ്റി ഷോകളിലൂടെ വളര്ന്നുവരുന്ന പ്രതിഭകള്ക്ക് കൈത്താങ്ങായിരുന്ന വ്യക്തി കൂടിയാണ്,” എന്നും അഖില് പറഞ്ഞു.
റോയിയുടെ മരണത്തിന് പിന്നിലെ യഥാര്ഥ കാരണങ്ങളെക്കുറിച്ച് ആശങ്കകളും ഉയരുന്നുണ്ട്. “ഉദ്യോഗസ്ഥരുടെ പീഡനമാണോ, രാഷ്ട്രീയ സമ്മര്ദമാണോ, മറ്റെന്തെങ്കിലും കാരണമാണോ എന്നൊന്നും ഇപ്പോള് വ്യക്തമല്ല.
ജീവിച്ചിരുന്നുവെങ്കില് ഇനിയും ഒരുപാട് പേര്ക്ക് പ്രയോജനപ്പെടേണ്ട ആളായിരുന്നു,” എന്നും അഖില് കുറിച്ചു. റോയിയുടെ കുടുംബത്തിന്റെ ദുഃഖത്തില് താനും പങ്കുചേരുന്നുവെന്നും അദ്ദേഹം വ്യക്തമാക്കി.
ഇതിനിടെ, സംഭവവുമായി ബന്ധപ്പെട്ട പോസ്റ്റ്മോര്ട്ടം റിപ്പോര്ട്ട് പുറത്തുവന്നു. വെടിയുണ്ട ഹൃദയവും ശ്വാസകോശവും തുളച്ച് പുറത്തുപോയെന്നാണ് കണ്ടെത്തല്.
6.35mm വലിപ്പമുള്ള വെടിയുണ്ട കണ്ടെത്തിയതായും റിപ്പോര്ട്ടില് പറയുന്നു. ശരീരത്തോട് ചേര്ത്തുവച്ച് പോയിന്റ്-ബ്ലാങ്ക് റേഞ്ചില് വെടിവച്ചതായാണ് വിലയിരുത്തല്.
വലതു കൈ ഉപയോഗിച്ച് ഇടതു നെഞ്ച് ഭാഗത്തേക്ക് ഒറ്റത്തവണയാണ് വെടിയുതിര്ത്തത് എന്നുമാണ് റിപ്പോര്ട്ട്.
English Summary
Industrialist and Confident Group Chairman C.J. Roy died by suicide during an Income Tax raid at his Bengaluru residence, reportedly by shooting himself. Bigg Boss Malayalam Season 5 winner Akhil Marar shared an emotional note remembering Roy as a philanthropist who supported many talents and had awarded him ₹50 lakh as prize money. Postmortem findings suggest a close-range gunshot to the left chest.
confident-group-cj-roy-suicide-it-raid-postmortem-report
cj roy, confident group, suicide, bengaluru, income tax raid, akhil marar, bigg boss malayalam, postmortem report, business news, kerala news
