ഇടുക്കി: ഇടുക്കിയിൽ വീണ്ടും ആക്രമണം നടത്തി ചക്കക്കൊമ്പൻ. ശാന്തൻപാറയിൽ റേഷൻകട കാട്ടാന തകർത്തു. ആനയിറങ്കലിലെ റേഷൻകടയാണ് ചക്കക്കൊമ്പൻ തകർത്തത്.(Chakkakomban destroyed ration shop in idukki)
അരിയടക്കം അകത്താക്കിയ ശേഷമാണ് ചക്കക്കൊമ്പൻ സ്ഥലം വിട്ടത്. പുലർച്ചെ നാല് മണിക്കായിരുന്നു ആക്രമണം നടന്നത്. ശാന്തൻപാറ, പന്നിയാർ മേഖലയിൽ ചക്കക്കൊമ്പൻ ശല്യം രൂക്ഷമാണ്.
കഴിഞ്ഞ ദിവസം ശാന്തൻപാറ പന്നിയാർ എസ്റ്റേറ്റിലും കാട്ടാനയുടെ ആക്രമണം നടന്നിരുന്നു. ഇവിടെ ചൂണ്ടൽ സ്വദേശിയുടെ കാർ ചക്കക്കൊമ്പൻ തകർത്തു. തുടർന്ന് ആർടിടി സംഘവും നാട്ടുകാരും ചേർന്ന് ജനവാസമേഖലയിൽനിന്നാണ് ആനയെ തുരത്തിയത്.
