പത്തനംതിട്ട: തിരുവല്ല വേങ്ങലിൽ കാറിന് തീപിടിച്ച് മരിച്ചത് ദമ്പതികളെന്ന് പോലീസ്. തുകലശ്ശേരി സ്വദേശികളായ രാജു തോമസ്(69), ഭാര്യ ലൈജി തോമസ്(63) എന്നിവരാണ് മരിച്ചത്. ആത്മഹത്യയെന്നാണ് പോലീസിന്റെ പ്രാഥമിക നിഗമനം.(Car fire incident in Tiruvalla)
കുടുംബ പ്രശ്നങ്ങളെ തുടര്ന്നാണ് ഇവര് ജീവനൊടുക്കിയെന്നാണ് പൊലീസിൻ്റെ വിലയിരുത്തൽ മൃതദേഹങ്ങൾ ആശുപത്രിയിലേക്ക് മാറ്റിയിരിക്കുകയാണ്. പോസ്റ്റ്മോര്ട്ടത്തിന് ശേഷം ബന്ധുക്കൾക്ക് വിട്ടുകൊടുക്കും. ഇന്ന് ഉച്ചയോടെ തിരുവല്ല വേങ്ങലിൽ പാടത്തോട് ചേര്ന്ന ഒറ്റപ്പെട്ട റോഡിലാണ് തീപിടിച്ച നിലയിൽ കാർ കണ്ടെത്തിയത്.
കാറിനുള്ളിൽ നിന്നു തന്നെയാണ് തീ പടർന്നതെന്നാണ് പോലീസ് പറഞ്ഞു. മകനുമായി രാജു തോമസും ഭാര്യയും തർക്കത്തിലായിരുന്നുവെന്നും അതാണ് ആത്മഹത്യയിലേക്ക് നയിച്ചതെന്നും ഡിവൈഎസ്പി വ്യക്തമാക്കി. മകൻ്റെ ദാമ്പത്യ ജീവിതത്തിലെ പ്രശ്നങ്ങൾ, മദ്യപാന ശീലം, വീട് ജപ്തിയായത് തുടങ്ങിയ പ്രശ്നങ്ങളാണ് ദമ്പതികളുടെ ആത്മഹത്യക്ക് കാരണമായെന്ന് പ്രേരിപ്പിച്ചതെന്ന് ബന്ധുക്കളും പറഞ്ഞു.
