പാലക്കാട്: ദേശീയപാത കണ്ണനൂരിൽ വെച്ചുണ്ടായ കാർ അപകടത്തിൽ ഒരാൾ മരിച്ചു. കാർ റോഡരികിലെ പരസ്യ ബോർഡിൽ ഇടിച്ചു മറിഞ്ഞാണ് അപകടമുണ്ടായത്. പൊള്ളാച്ചി കൊടൈക്കനാൽ പല്ലങ്കി സ്വദേശി തങ്കമുത്തു (55) ആണ് മരിച്ചത്. അപകടത്തിൽ പരിക്കേറ്റ മൂന്നുപേർ ജില്ലാ ആശുപത്രിയിൽ ചികിത്സയിലാണ്.
തങ്കമുത്തുവിന്റെ മകളെ നെടുമ്പാശ്ശേരി വിമാനത്താവളത്തിൽ വിട്ട് തിരികെ പൊള്ളാച്ചിയിലേക്ക് മടങ്ങുന്ന വഴിയാണ് അപകടം നടന്നത്. തങ്കമുത്തുവിന്റെ മകനും ഭാര്യയും ബന്ധുവുമാണ് പരിക്കേറ്റ് ചികിത്സയിൽ കഴിയുന്നത്. ഇവരുടെ ആരോഗ്യനില ഗുരുതരമല്ല എന്നാണ് വിവരം.
