കട്ടപ്പനയിൽ ലോഡ്ജ് കേന്ദ്രീകരിച്ച് കഞ്ചാവ് വിൽപ്പന
ഇടുക്കി: കട്ടപ്പന വെള്ളയാംകുടിയിൽ ലോഡ്ജ് കേന്ദ്രീകരിച്ച് കഞ്ചാവ് വിൽപ്പന നടത്തിയ പ്രതികൾ അറസ്റ്റിൽ.
വെള്ളയാംകുടി കാരിയിൽ ലോഡ്ജിൽ നിന്നും നാലും പേരെയും നഗരത്തിൽ ബൈക്കിൽ സഞ്ചരിച്ച രണ്ടു പേരെയുമാണ് കട്ടപ്പന പോലീസ് അറസ്റ്റ് ചെയ്തത്.
എറണാകുളം മാമലശേരി തെങ്ങുംതോട്ടത്തിൽ ആൽബി (22) , ഇടുക്കി ഉപ്പുകണ്ടം നിബിൻ സുബീഷ് (20) പിറവം മാമലശേരി പുത്തൻപുരയിൽ വിഷ്ണു മോഹനൻ (27) കാഞ്ഞാർ പാറശേരിൽ ജഗൻ സുരേഷ് (23) കാൽവരി മൗണ്ട് ചീരാം കുന്നേൽ മാത്യു സ്കറിയ (21) മ്രാല കല്ലുവേലിപ്പറമ്പിൽ ആകാശ് അനിൽ (23) എന്നിവരാണ് അറസ്റ്റിലായത്.
അത് ഞാവൽപ്പഴമല്ല, കഴിക്കല്ലേ….
ഇവരിൽ നിന്നും 500 ഗ്രാം കഞ്ചാവ് പിടികൂടി. ഇവർ സഞ്ചരിച്ച ബൈക്കും കസ്റ്റഡിയിൽ എടുത്തു. ഏറെ നാളായി നഗരത്തിൻ കഞ്ചാവ് മൊത്തക്കച്ചവടം നടത്തുകയായിരുന്നു പ്രതികൾ.
അടുത്ത അഞ്ചുദിവസം മഴ, ശക്തമായ കാറ്റ്
തിരുവനന്തപുരം: പശ്ചിമ ബംഗാളിലെ ഗംഗാതടത്തിന് മുകളിലായി പുതിയ ന്യൂനമര്ദ്ദം രൂപപ്പെട്ടതായി കേന്ദ്ര കാലാവസ്ഥ വകുപ്പ്.
തെക്കന് ഗുജറാത്ത് തീരം മുതല് തെക്കന് കര്ണാടക തീരം വരെ ന്യൂനമര്ദ്ദപാത്തിയും സ്ഥിതിചെയ്യുന്നുണ്ട്. ഇതിന്റെ എല്ലാം ഫലമായി സംസ്ഥാനത്ത് അടുത്ത അഞ്ചുദിവസം മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഗംഗാതടത്തിന് മുകളിലായി ന്യൂനമര്ദ്ദം
ഗംഗാതടത്തിന് മുകളിലായി സ്ഥിതി ചെയ്യുന്ന ന്യൂനമര്ദ്ദം അടുത്ത 2-3 ദിവസം ഝാര്ഖണ്ഡ്, ഛത്തീസ്ഗഡ് മേഖലയിലേക്ക് നീങ്ങാന് സാധ്യതയുണ്ട്.
ന്യൂനമര്ദ്ദത്തിന്റെയും ന്യൂനമര്ദ്ദപാത്തിയുടെയും സ്വാധീനഫലമായി വരും ദിവസങ്ങളില് ഒറ്റപ്പെട്ട സ്ഥലങ്ങളില് ശക്തമായ മഴയ്ക്കും സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.
ചൊവ്വാഴ്ച വരെ ഒറ്റപ്പെട്ടയിടങ്ങളില് മണിക്കൂറില് 40 മുതല് 50 കിലോമീറ്റര് വരെ വേഗത്തില് ശക്തമായ കാറ്റിനും സാധ്യതയുണ്ട്. അതിനാല് ജാഗ്രത പാലിക്കണമെന്നും മുന്നറിയിപ്പില് പറയുന്നു.
ശക്തമായ മഴ കണക്കിലെടുത്ത് ഇന്ന് മൂന്ന് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.വടക്കന് ജില്ലകളില് ശക്തമായ മഴയാണ് പ്രവചിക്കുന്നത്. കണ്ണൂരിനും കാസര്കോടിനും പുറമെ കോഴിക്കോടും യെല്ലോ അലര്ട്ടാണ്.
24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുമെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്.
അടുത്ത രണ്ട് ദിവസം മഴയുടെ ശക്തി കുറയുമെങ്കിലും പിന്നീട് മഴ ശക്തി പ്രാപിക്കും. ബുധന്, വ്യാഴം ദിവസങ്ങളില് കണ്ണൂരും കാസര്കോഡും യെല്ലോ മുന്നറിയിപ്പാണുള്ളത്.
സ്കൂളുകളിൽ പുതിയ സമയക്രമത്തിന് അംഗീകാരം
തിരുവനന്തപുരം: സംസ്ഥാനത്തെ സ്കൂളുകളുടെ പുതിയ സമയക്രമത്തിന് അംഗീകാരമായി.
വിദ്യാഭ്യാസ മന്ത്രി വി ശിവന് കുട്ടിയുടെ നേതൃത്വത്തില് തിരുവനന്തപുരത്ത് വിളിച്ചുചേര്ത്തഅധ്യാപക സംഘടനാ പ്രതിനിധികളുടെ യോഗത്തിലാണ് തീരുമാനം.
ഇതോടെ എട്ട് മുതല് 10 വരെ ക്ലാസുകളിലെ പഠന സമയം അരമണിക്കൂര് കൂടും. രാവിലെ 9.45ന് ആരംഭിച്ച് വൈകിട്ട് 4.15 വരെയാണ് പുതിയ സ്കൂള് സമയം.
പുതുക്കിയ മെനു പ്രകാരം സ്കൂള് ഉച്ചഭക്ഷണം വിതരണം ചെയ്യുന്നതിനുള്ള പാചക ചെലവ് വര്ദ്ധിപ്പിച്ചു നല്കണമെന്ന അധ്യാപക സംഘടനകളുടെ ആവശ്യം ചര്ച്ച ചെയ്ത് തീരുമാനിക്കും.
അതോടൊപ്പം തദ്ദേശ ഭരണ സ്ഥാപനങ്ങളില് നിന്ന് സ്കൂള് ഉച്ചഭക്ഷണത്തിന് ഏതെങ്കിലും വിഹിതം ലഭ്യമാകുമോ എന്ന കാര്യം തദ്ദേശ ഭരണ സ്ഥാപന മേധാവികളുമായുള്ള ചര്ച്ചയില് ഉന്നയിക്കാമെന്നും മന്ത്രി വ്യക്തമാക്കി.
അക്കാദമിക മാസ്റ്റര് പ്ലാന് നടപ്പിലാക്കുന്നതിന് സംഘടനകള് പൂർണ പിന്തുണ അറിയിച്ചു.സ്കൂളുകളുടെ ടേം പരീക്ഷകളും യൂണിറ്റ് പരീക്ഷകളും തുടരുന്നതാണ് നല്ലത് എന്ന അധ്യാപക സംഘടനകളുടെ ആവശ്യം യോഗം അംഗീകരിച്ചു.
ഹയര്സെക്കന്ഡറി പ്രിന്സിപ്പല്, വിഎച്ച്എസ്ഇ ട്രാന്സ്ഫര് നടത്തുന്നതിന് സാങ്കേതിക തടസങ്ങള് ഉടന് പരിഹരിച്ച് സ്ഥലംമാറ്റം നടപ്പിലാക്കുമെന്ന് മന്ത്രി പറഞ്ഞു. ജില്ലാ വിദ്യാഭ്യാസ ഓഫീസര്മാരുടെ ഒഴിവുള്ള നാല് തസ്തികകളിലേക്ക് അടിയന്തര നിയമനം നടത്തും.
Summary:
Four individuals were arrested from a lodge in Vellayamkudy, Kattappana, for allegedly selling cannabis. Additionally, two others riding a bike in the town were also taken into custody by the Kattappana police in connection with the case.
