മലയാള സിനിമാ മേഖലയെ പിടിച്ചു കുലുക്കി ഹേമാ കമ്മിറ്റി റിപ്പോർട്ട് പുറത്തു വന്നതിനു പിന്നാലെ നടൻ ഷമ്മി തിലകൻ സോഷ്യൽ മീഡിയയിൽ പോസ്റ്റ് ചെയ്ത പരിഹാസ പോസ്റ്റർ ചർച്ചയാകുന്നു. After the Hema report, Shammi Thilakan’s social media post goes viral
തന്റെ പിതാവായ നടൻ തിലകനൊപ്പമുള്ള ചിത്രവും ചെറിയൊരു കുറിപ്പും ചേർത്താണ് ഷമ്മി സിനിമയിലെ വിവിധ സംഘടനകൾക്കെതിരെ ഒളിയമ്പെയ്തത്.
‘ചില്ലക്ഷരം കൊണ്ടുപോലും കള്ളം പറയാത്ത ‘‘കള്ളൻ’’. ചിരിക്കണ ചിരി കണ്ടാ’ എന്ന കുറിപ്പിനൊപ്പം താനും പിതാവായ തിലകനും പൊട്ടിച്ചിരിക്കുന്ന ചിത്രം പങ്കുവച്ചാണ് ഷമ്മി തന്റെ പ്രതിഷേധം അറിയിച്ചത്. കമന്റ് ബോക്സിൽ ഷമ്മിയുടെ ധൈര്യത്തെ അഭിനന്ദിച്ചും അതിനെ പിന്തുണച്ചും നിരവധി ആളുകളാണ് കമന്റുകൾ ഇടുന്നത്.
ഹേമാ കമ്മിറ്റി റിപ്പോർട്ടിലെ വിവരങ്ങൾ സിനിമയിലെ വിവിധ സംഘടനകൾക്ക് എതിരായ സാഹചര്യത്തിലാണ് താരത്തിന്റെ നീക്കം എന്നത് ശ്രദ്ധേയമാണ്.
ഹേമ കമ്മിറ്റി റിപ്പോർട്ട് പുറത്തു വന്ന പശ്ചാത്തലത്തിൽ സംവിധായകൻ വിനയനും കടുത്ത വിമർശനങ്ങളുമായി രംഗത്തെത്തിയിരുന്നു.
