കോഴിക്കോട്: മുൻ ഭർത്താവിന്റെ ആസിഡ് ആക്രമണത്തിൽ യുവതിയ്ക്ക് ഗുരുതര പരിക്ക്. കോഴിക്കോട് ചെറുവണ്ണൂര് ആയുര്വേദ ആശുപത്രിയില് വെച്ചാണ് സംഭവം. പേരാമ്പ്ര കൂട്ടാലിട സ്വദേശിനി പ്രബിഷയാണ് ആക്രമണത്തിനിരയായത്.
പ്രബിഷയുടെ മുന് ഭര്ത്താവ് പ്രശാന്ത് ആണ് ആക്രമണം നടത്തിയത്. യുവതിയുടെ മുഖത്തും നെഞ്ചിലും പുറത്തും ഗുരുതര പൊള്ളലേറ്റിട്ടുണ്ട്. ഇവരെ കോഴിക്കോട് മെഡിക്കല് കോളേജിലേക്ക് മാറ്റി. നടുവേദനയ്ക്ക് ചികിത്സയില് കഴിഞ്ഞിരുന്ന യുവതിയെ ആശുപത്രിയില് കടന്നു കയറിയാണ് പ്രതി ആക്രമണം നടത്തിയത്. ഇവിടെ കഴിഞ്ഞ 18-ാം തിയ്യതി മുതൽ പ്രബിത ചികിത്സയിൽ കഴിയുകയാണ്.
മൂന്ന് വർഷം മുൻപ് പ്രബിഷയും പ്രശാന്തും തമ്മിലുള്ള വിവാഹബന്ധം വേർപ്പെടുത്തിയിരുന്നു. ഇന്ന് രാവിലെ 9.30 ഓടെ ആശുപത്രിയിൽ എത്തിയ പ്രതി പ്രബിഷയുമായി സംസാരിക്കുന്നതിനിടയിൽ മുഖത്ത് ആസിഡ് ഒഴിക്കുകയായിരുന്നു. മുഖത്തും നെഞ്ചത്തും പൊള്ളലേറ്റ പ്രബിത തിരിഞ്ഞോടുന്നതിനിടെ പുറകിലും പ്രതി ആസിസ് ഒഴിച്ചു.
ഓടിക്കൂടിയ ആശുപത്രി ജീവനക്കാരും നാട്ടുകാരും ചേർന്ന് യുവതിയെ പേരാമ്പ്ര ഗവ. താലൂക്ക് ആശുപത്രിയിലും പിന്നാലെ കോഴിക്കോട് മെഡിക്കൽ കോളജ് ആശുപത്രിയിലേക്കും മാറ്റി. പ്രബിഷ ഇപ്പോൾ തീവ്രപരിചരണ വിഭാഗത്തിൽ ചികിത്സയിൽ തുടരുകയാണ്.
