കട്ടപ്പന: ഇരട്ടയാർ ഉപ്പുകണ്ടത്ത് ശവസംസ്കാര ചടങ്ങിന് എത്തിയവർക്കിടയിലേക്ക് നിയന്ത്രണം വിട്ട വാൻ പാഞ്ഞുകയറി ഒരാൾ മരിച്ചു.രണ്ടു പേർക്ക് പരിക്കേറ്റു. ഉപ്പുകണ്ടം നെല്ലംപുഴയിൽ സ്‌കറിയ (78)ആണ് മരിച്ചത്. ഇറക്കം ഇറങ്ങി വരുന്നതിനിടെ നിയന്ത്രണം നഷ്ടപ്പെട്ട വാൻ ആൾക്കൂട്ടത്തിനിടയിൽ നിന്ന സ്‌കറിയയുടെ ശരീരത്തിലൂടെ കയറിയിറങ്ങുകയായിരുന്നു.(A man died after a car ran over him during a funeral)
തുടർന്ന് സമീപത്തു നിന്നിരുന്ന ആംബുലൻസ് ഡ്രൈവർ തറപ്പേൽ നിതിനെ ഇടിപ്പിച്ചു തെറുപ്പിച്ചു. അപകടത്തിൽ സംസ്‌കാരത്തിനെത്തിയ ചൂരക്കാട്ട് ജോർജുകുട്ടിക്കും പരിക്കേറ്റു. മൂവരെയും ഉടൻ തന്നെ കട്ടപ്പന സെൻറ് ജോൺസ് ആശുപത്രിയിൽ പ്രവേശിപ്പിച്ചുവെങ്കിലും സ്‌കറിയയുടെ ജീവൻ രക്ഷിക്കാനായില്ല. ഭാര്യ : പരേതയായ അന്നമ്മ മക്കൾ: സിസ്റ്റർ സിജി, സോഫിയ , സോണിയ, ജോബി. മരുമക്കൾ: ബിൻസി, ബിനോയി , ബിന്ദു.
Read also: രാഹുൽ ഗാന്ധി വഞ്ചിച്ചു; റായ്‌ബറേലിയിൽ മത്സരിക്കുമെന്ന് പറയാതിരുന്നത് തെറ്റെന്ന് ആനി രാജ
