ബെംഗളൂരു: ബെംഗളൂരുവിലുണ്ടായ വാഹനാപകടത്തില് മലപ്പുറം സ്വദേശി മരിച്ചു. മലപ്പുറം കാവഞ്ചേരി സ്വദേശി അബൂബക്കര് സയ്യാൻ ആണ് മരിച്ചത്. ഇന്നലെ രാത്രിയാണ് സംഭവം.
ബെംഗളൂരു വര്ത്തൂര് പൊലീസ് സ്റ്റേഷനു സമീപത്തു വെച്ചാണ് അപകടമുണ്ടായത്. സയ്യാന് സഞ്ചരിച്ച ബൈക്കില് ലോറിയിടിച്ചാണ് അപകടമുണ്ടായത്. തെറിച്ചുവീണ സയ്യാന്റെ ദേഹത്തുകൂടി ലോറി കയറി ഇറങ്ങുകയായിരുന്നു.
സംഭവ സ്ഥലത്തുവെച്ചു തന്നെ സയ്യാന്റെ മരണം സംഭവിച്ചു. മൃതദേഹം ആശുപത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും. ബെംഗളൂരുവിലെ സ്വകാര്യ കമ്പനിയില് ഈ അടുത്താണ് സയ്യാൻ ജോലിക്ക് കയറിയത്.
കാസർകോട് യുവതിയെ കടക്കുള്ളിൽ കയറി തീകൊളുത്തി; ഗുരുതര പൊള്ളൽ
കാസർകോട്: യുവതിയെ കടക്കുള്ളിൽ വച്ച് ടിന്നർ ഒഴിച്ച് തീ കൊളുത്തി. കാസർകോട് ബേഡകത്ത് ആണ് സംഭവം. പലചരക്ക് കട നടത്തുന്ന രമിത (27) യാണ് ആക്രമണത്തിന് ഇരയായത്.
യുവതിയ്ക്ക് 50 ശതമാനത്തിലേറെ പൊള്ളലേറ്റിട്ടുണ്ട്. യുവതിയെ കാഞ്ഞങ്ങാട് ജില്ലാ ആശുപത്രിയിൽ തീവ്ര പരിചരണ വിഭാഗത്തിൽ പ്രവേശിപ്പിച്ചിരിക്കുകയാണ്.
രമിതയുടെ കടയ്ക്ക് സമീപം പ്രവർത്തിക്കുന്ന ഫർണീച്ചർ കട നടത്തിപ്പുകാരനായ തമിഴ്നാട് ചിന്നപട്ടണം സ്വദേശി രാമാമൃതം (57) ആണ് ആക്രമണം നടത്തിയത്. ഇയാളെ പൊലീസ് കസ്റ്റഡിയിലെടുത്തിട്ടുണ്ട്.
