കോഴിക്കോട്: യുഎഇയിൽ ജോലിക്കിടെ ട്രക്ക് മറിഞ്ഞുണ്ടായ അപകടത്തിൽ മലയാളി യുവാവ് മരിച്ചു. കോഴിക്കോട് ബാലുശേരി സ്വദേശി അതുൽ(27) ആണ് മരിച്ചത്. റാസ് അൽഖൈമയിലെ സ്റ്റീവൻ റോക്കിൽ വെച്ചാണ് അപകടമുണ്ടായത്.(A Malayali youth died after his truck overturned while working in Ras Al Khaimah)
ക്രഷറിലേക്ക് ലോഡുമായി വരികയായിരുന്ന ട്രക്ക് നിയന്ത്രണം വിട്ട് തലകീഴായി മറിയുകയായിരുന്നു. അതുലാണ് ട്രക്ക് ഓടിച്ചിരുന്നത്. അടുത്ത മാസം അവധിക്ക് നാട്ടിൽ പോകാനിരിക്കെയാണ് അപകടം. അഞ്ചര വർഷമായി സ്റ്റീവൻ റോക്കിൽ ജോലി ചെയ്യുകയാണ് അതുൽ. കുണ്ടിലാത്തോട്ട് വീട്ടിൽ ശശികുമാർ -അജിത ദമ്പതികളുടെ മകനാണ്. അവിവാഹിതനാണ്.
