യുകെയിൽ രണ്ടു ദിവസം മുൻപ് കാണാതായ മലയാളി പെൺകുട്ടിയെ കണ്ടെത്തി. കുട്ടിയെ തിരികെ ലഭിച്ചതായും അന്വേഷണത്തിനോട് സഹകരിച്ച എല്ലാവർക്കും നന്ദി പറയുന്നതായും മാതാപിതാക്കൾ സമൂഹമധ്യമങ്ങളിൽ കുറിച്ചു. എക്സൈസിന് സമീപം ബെൻഫ്ലീറ്റിൽ താമസിക്കുന്ന കൊല്ലം സ്വദേശികളായ ദമ്പതികളുടെ മകൾ പത്താം ക്ലാസ് വിദ്യാർത്ഥിനി അനിത കോശിയെയാണ് കഴിഞ്ഞദിവസം യുകെ ഈസ്റ്റ് ലണ്ടനു സമീപം കാണാതായത്. (A Malayali girl who went missing two days ago has been found in UK)
കുട്ടിയെ കാണാതായതോടെ വിവരം ലണ്ടനിലെ മലയാളികൾക്കിടയിൽ പ്രചരിച്ചു. സമൂഹമാധ്യമങ്ങൾ വഴി നിരവധി പോസ്റ്റുകൾ ഷെയർ ചെയ്യപ്പെട്ടു. കുട്ടി ലണ്ടൻ ഭാഗത്തേക്ക് ട്രെയിനിൽ യാത്ര ചെയ്തതായിട്ടായിരുന്നു അവസാനം ലഭിച്ച വിവരം. ഇതിനിടയിലാണ് കുട്ടിയെ കണ്ടെത്തി എന്ന വാർത്ത വരുന്നത്.
