തിരുവനന്തപുരം: മദ്യവില്പനയുമായി ബന്ധപ്പെട്ട് ഔട്ട്ലെറ്റ് മാനേജര്മാര്ക്ക് നിർദേശം നൽകി ബെവ്കോ. രാത്രി ഒന്പതുമണി കഴിഞ്ഞ് മദ്യം വാങ്ങാന് ആളെത്തിയാലും മദ്യം നല്കണമെന്നാണ് നിർദേശം. നിലവില് രാവിലെ പത്തുമണി മുതല് രാത്രി ഒന്പതുമണിവരെയാണ് ഔട്ട്ലെറ്റുകളുടെ പ്രവര്ത്തനസമയം.
എന്നാല് വരിയില് അവസാനം നില്ക്കുന്നയാളുകള്ക്ക് വരെ മദ്യം നല്കണമെന്നാണ് ബെവ്കോയുടെ നിര്ദേശത്തില് പറയുന്നത്. ഇന്നലെയാണ് ഇത് സംബന്ധിച്ച നിര്ദേശം ഔട്ട്ലെറ്റ് മാനേജര്മാര്ക്ക് ലഭിച്ചത്. പുതിയ നിർദേശത്തെ തുടർന്ന് ബെവ്കോ ഔട്ട് ലെറ്റുകളില് ഒന്പതുമണിക്ക് ശേഷവും മദ്യ വിൽപ്പന നടത്തും.
അതേസമയം ഒന്പത് മണിക്കുള്ളില് എത്തിയവര്ക്കാണോ, അതോ സമയം കഴിഞ്ഞ് എത്തുന്നവര്ക്കും മദ്യം നല്കണമെന്നാണോയെന്നുള്ള കാര്യത്തില് നിര്ദേശത്തില് അവ്യക്തതയുണ്ട്.
