തിരുവനന്തപുരം: കേരള ഗവർണർ ആരിഫ് മുഹമ്മദ് ഖാന് ഇന്ന് നൽകാനിരുന്ന യാത്രയയപ്പ് ചടങ്ങ് റദ്ദാക്കി. മുന് പ്രധാനമന്ത്രി മന്മോഹന് സിങ്ങിന്റെ മരണത്തെ തുടര്ന്ന് രാജ്യത്ത് ഔദ്യോഗിക ദുഃഖാചരണമായതിനാലാണ് യാത്രയയപ്പ് മാറ്റി വെച്ചത്.
രാജ്ഭവനിലെ ജീവനക്കാര് ഇന്ന് വൈകിട്ടാണ് ഗവര്ണര്ക്ക് യാത്രയയപ്പ് തീരുമാനിച്ചിരുന്നത്. മന്മോഹന് സിങ്ങിന്റെ മരണത്തിന് പിന്നാലെ ഔദ്യോഗിക ദുഃഖാചരണം പ്രഖ്യാപിച്ചതോടെ ചടങ്ങ് റദ്ദാക്കുകയായിരുന്നു. ഡിസംബര് 29ന് ആരിഫ് മുഹമ്മദ് ഖാന് കൊച്ചിയില് നിന്ന് ഡല്ഹിയിലേക്ക് പുറപ്പെടും.
പുതിയ കേരള ഗവര്ണര് രാജേന്ദ്ര വിശ്വനാഥ് ആര്ലേകര് പുതുവത്സര ദിനത്തില് കേരളത്തിലെത്തുമെങ്കിലും ജനുവരി രണ്ടിനാണ് അദ്ദേഹം ചുമതലയേല്ക്കുക. ആരിഫ് മുഹമ്മദ് ഖാനും ജനുവരി രണ്ടിനാണ് ബിഹാര് ഗവര്ണറായി ചുമതലയേല്ക്കുന്നത്.
