ബെംഗളൂരു: പ്രശസ്ത തെന്നിന്ത്യന് നടിയായ എ. ശകുന്തള അന്തരിച്ചു. 84 വയസ്സായിരുന്നു. ബെംഗളൂരുവിലെ സ്വകാര്യ ആശുപത്രിയിൽ ചികിത്സയിലിരിക്കെ ചൊവ്വാഴ്ച വൈകിട്ടോടെ ആയിരുന്നു അന്ത്യം. വാര്ധക്യസഹജമായ അസുഖങ്ങളാണ് മരണകാരണം.Famous South Indian actress A. Shakuntala passed away
മലയാളം, തമിഴ്, തെലുങ്ക്, കന്നഡ ഭാഷകളിലായി 600-ലേറെ സിനിമകളില് അഭിനയിച്ചിട്ടുണ്ട്. കുപ്പിവള, കൊച്ചിന് എക്സ്പ്രസ്, നീലപൊന്മാന്, തച്ചോളി അമ്പു, ആവേശം (1979) എന്നിവയാണ് പ്രധാന മലയാള സിനിമകള്.
ശകുന്തള 1960-കളിലാണ് സിനിമയിലെത്തുന്നത്. പിന്നണി നര്ത്തകിയായാണ് സിനിമയിലെ അരങ്ങേറ്റം. അന്നുമുതൽ 1998 വരെ സിനിമകളില് സജീവമായിരുന്നു. പിന്നീട് 2019-വരെ തമിഴ് സീരിയലുകളിലും അഭിനയിച്ചു. 1970-ല് ഇറങ്ങിയ സി.ഐ.ഡി. ശങ്കറാണ് ശകുന്തളയുടെ ആദ്യത്തെ ശ്രദ്ധേയമായ ചിത്രം. ഈ സിനിമയ്ക്ക് ശേഷം സി.ഐ.ഡി. ശകുന്തള എന്നാണ് നടി അറിയപ്പെട്ടിരുന്നത്.
