കൊച്ചി: സ്ക്രൂഡ്രൈവറിന്റെയും പ്ലാസ്റ്റിക് പൂക്കളുടേയും മറവിൽ സ്വർണം കടത്താൻ ശ്രമിച്ച യുവതി നെടുമ്പാശ്ശേരി വിമാനത്താവളത്തിൽ അറസ്റ്റിൽ.A woman who tried to smuggle gold under the guise of a screwdriver and plastic flowers was arrested at the Nedumbassery airport
കുവൈത്തിൽ നിന്നും വന്ന ബെംഗളൂരു സ്വദേശിനി മുബീനയാണ് കസ്റ്റംസിന്റെ പിടിയിലായത്. 61 ലക്ഷം രൂപയുടെ സ്വർണം കടത്താനായിരുന്നു മുബീനയുടെ ശ്രമം.
26ഓളം വയറുകളുടേയും കമ്പികളുടേയും രൂപത്തിലാക്കിയാണ് സ്വർണം കടത്താൻ നോക്കിയത്. പെട്ടെന്ന് തിരിച്ചറിയാതിരിക്കാൻ സ്റ്റീൽ നിറം ഇതിന്മേൽ പൂശുകയും പ്ലാസ്റ്റിക് കവർ കൊണ്ട് മൂടുകയും ചെയ്തിരുന്നു.
സ്ക്രൂഡ്രൈവറുടെ പിടിയുടെ അകത്ത് അതിവിദഗ്ധമായാണ് സ്വർണം ഘടിപ്പിച്ചിരുന്നത്. കസ്റ്റംസ് ഇവരുടെ അറസ്റ്റ് രേഖപ്പെടുത്തിയ ശേഷം ചോദ്യം ചെയ്യൽ ആരംഭിച്ചു. സ്വർണക്കടത്തിന് സഹായിച്ചവരിലേക്കും അന്വേഷണം വ്യാപിപ്പിക്കുമെന്ന് കസ്റ്റംസ് അറിയിച്ചു.”
