അമ്മയെയും മകളെയും പോലീസ് ജീപ്പ് ഇടിച്ചു; അപകടമുണ്ടാക്കിയത് മന്ത്രി സജി ചെറിയാന് പൈലറ്റ് പോയ വാഹനം

ചങ്ങനാശ്ശേരി: റോഡ് മുറിച്ചു കടക്കുന്നതിനിടെ അമ്മയെയും മകളെയും പോലീസ് ജീപ്പ് ഇടിച്ചു. ചങ്ങനാശേരിയില്‍ ആണ് അപകടമുണ്ടായത്. ഇവരെ താലൂക്ക് ആശുപത്രിയില്‍ പ്രവേശിപ്പിച്ചു. A mother and daughter were hit by a police jeep while crossing the road

ഇവരുടെ പരിക്ക് ഗുരുതരമല്ല. മന്ത്രി സജി ചെറിയാന് പൈലറ്റ് പോകുന്നതിനായി ചങ്ങനാശേരിയില്‍ നിന്നും എ.സി റോഡിലേക്ക് പോയ ജീപ്പാണ് അപകടമുണ്ടാക്കിയത്.

ഉച്ചയ്ക്ക് 2 മണിയോടെ കെ.എസ്.ആര്‍.ടി.സി ബസ് സ്റ്റാന്‍ഡിന് മുന്നിലായിരുന്നു സംഭവം. അപകടത്തെ തുടര്‍ന്ന് നാട്ടുകാര്‍ പോലീസുകാരുമായി വാക്കുതര്‍ക്കവുമുണ്ടായി. പോലീസ് തന്നെയാണ് രണ്ട് പേരെയും ആശുപത്രിയിലെത്തിച്ചത്