കൊച്ചി: സിനിമാ ചിത്രീകരണത്തിനിടെ ഉണ്ടായ കാറപകടത്തില് കേസെടുത്ത് സെന്ട്രല് പൊലീസ്. അമിത വേഗത്തില് വാഹനമോടിച്ചതിനാണ് കേസെടുത്തത്. അര്ജുന് അശോകന്, മാത്യു തോമസ് എന്നിവര് പ്രധാന വേഷങ്ങളിലെത്തുന്ന ബ്രൊമാന്സ് എന്ന സിനിമയുടെ ചിത്രീകരണത്തിനിടെയാണ് അപകടമുണ്ടായത്.(Accident during movie shooting; Police registered case)
കൊച്ചി എം.ജി റോഡില് വച്ച് പുലര്ച്ചെ ഒന്നരയോടെയായിരുന്നു അപകടം. അര്ജുന് അശോകന്, മാത്യു, സംഗീത് പ്രതാപ് എന്നിവരുള്പ്പടെ അഞ്ച് പേര്ക്ക് പരിക്കേറ്റു. ഇവര് സഞ്ചരിച്ച കാര് തലകീഴായി മറിയുകയായിരുന്നു. സിനിമയിലെ സ്റ്റണ്ട് മാസ്റ്റര് ആയിരുന്നു കാര് ഓടിച്ചത്. വഴിയില് നിര്ത്തിയിട്ട രണ്ടു ബൈക്കുകളില് കാര് തട്ടിയപ്പോള് ബൈക്ക് യാത്രക്കാരായ രണ്ടു പേര്ക്കും പരിക്കേറ്റു.
