കൊച്ചി: കൊച്ചിയില് നടുറോഡില് തീ തുപ്പുന്ന ബൈക്കുമായി അഭ്യാസം നടത്തിയ യുവാവിന്റെ ലൈസന്സ് സസ്പെന്ഡ് ചെയ്തു. തിരുവനന്തപുരം സ്വദേശിയായ കിരണിന്റെ ഡ്രൈവിങ് ലൈസന്സ് മോട്ടോര് വാഹനവകുപ്പ് മൂന്ന് മാസത്തേയ്ക്കാണ് സസ്പെന്ഡ് ചെയ്തത്. 8000 രൂപ പിഴ അടയ്ക്കാനും മോട്ടോര് വാഹനവകുപ്പ് നിർദേശം നൽകി.(youth’s license was suspended)
ബൈക്ക് രൂപമാറ്റം വരുത്തിയ കൊച്ചി ഏലൂര് സ്വദേശികളുടെ ലൈസന്സും സസ്പെന്ഡ് ചെയ്തിട്ടുണ്ട്. ഇവരുടെ ബൈക്കുകളുടെ രജിസ്ട്രേഷനും മൂന്ന് മാസത്തേയ്ക്ക് സസ്പെന്ഡ് ചെയ്യും. ചൊവ്വാഴ്ച രാത്രി പത്തരയോടെ ഇടപ്പള്ളി – കളമശേരി റോഡിലാണ് സംഭവം നടന്നത്. സൈലന്സര് രൂപമാറ്റം വരുത്തിയ ബൈക്കുമായാണ് യുവാവ് നഗരത്തില് കറങ്ങി നടന്നത്.
ബൈക്കിന് പുറകേ പോയ കാര് യാത്രികര് പകര്ത്തിയ ദൃശ്യങ്ങള് പുറത്തുവന്നതോടെയാണ് മോട്ടോര് വാഹനവകുപ്പ് എന്ഫോഴ്സ്മെന്റ് വിഭാഗം വാഹനത്തിന്റെ നമ്പര് കേന്ദ്രീകരിച്ച് അന്വേഷണം നടത്തിയത്. സംഭവ ദിവസം വാഹനം ഓടിച്ചിരുന്നത് താനാണെന്ന് കിരണ് സമ്മതിക്കുകയും ചെയ്തിരുന്നു.
Read Also: സ്കൂളിലേക്ക് ഷൂ ധരിച്ചെത്തി; പ്ലസ് വൺ വിദ്യാർത്ഥിയെ ക്രൂരമായി മർദിച്ച് സീനിയർ വിദ്യാർഥികൾ
