കേരള സർക്കാരിൻറെ തൊഴിലും നൈപുണ്യവും വകുപ്പിനു കീഴിലുള്ള സ്ഥാപനമായ ഒഡെപെക് സൗദി ആരോഗ്യമന്ത്രാലയത്തിനു കീഴിലെ വിവിധ ആശുപത്രികളിൽ വനിതാ നഴ്സുമാരുടെ ഒഴിവിലേക്ക് അപേക്ഷ ക്ഷണിച്ചു. (Huge opportunity for women nurses in Saudi news)
നഴ്സിംഗിൽ ബി.എസ്സ്.സി/ പോസ്റ്റ് ബി.എസ്.സി /എം.എസ്സ്.സി എന്നിവയിലേതെങ്കിലും യോഗ്യത നേടിയവരും, രണ്ടു വർഷം നഴ്സിംഗ് തൊഴിൽ പരിചയം ഉള്ളവരുമായിരിക്കണം. കുറഞ്ഞ ശമ്പളം 4110 സൗദി റിയാൽ (ഇന്ത്യൻ രൂപ 90,000 – 1,00,000). തൊഴിൽ പരിചയം അനുസരിച്ച് ശമ്പളം കൂടുതൽ ലഭിക്കും..
വിസ, താമസസൌകര്യം, വിമാന ടിക്കറ്റ് ഇൻഷുറൻസ് എന്നിവ സൗജന്യമായിരിക്കും. താൽപര്യമുള്ള ഉദ്യോഗാർത്ഥികൾ ഫോട്ടോ പതിച്ച ബയോഡാറ്റാ, ആധാർ, ഡിഗ്രി, രജിസ്ട്രേഷൻ, തൊഴിൽപരിചയം എന്നിവയുടെ സർട്ടിഫിക്കറ്റ് കൂടാതെ ഒരു വർഷത്തിൽ കൂടുതൽ കാലാവധിയുള്ള പാസ്സ്പോർട്ട് എന്നിവയുടെ പകർപ്പുകൾ സഹിതം ജുൺ 29 ന് മുൻപായി GCC@odepc.in എന്ന ഇ-മെയിലിലേക്ക് അയക്കുക.
(ഇവിടെ പോസ്റ്റ് ചെയ്യുന്ന ജോലി അവസരങ്ങളുടെ നിജസ്ഥിതി അറിഞ്ഞ ശേഷം മാത്രം അപേക്ഷിക്കുക. ഇത് സംബന്ധിച്ച യാതൊരു തർക്കങ്ങൾക്കും news4media ഉത്തരവാദിയായിരിക്കുന്നതല്ല.)
