സംസ്ഥാനത്ത് ചൂട് കാരണം വീടിനുള്ളില്‍ സംഭവിച്ചത് കേട്ടുകേള്‍വിയില്ലാത്ത കാര്യമാണ്.
കോഴിക്കോട് കൊടും ചൂട് കാരണം വീടിനുള്ളിലെ ടൈലുകള്‍ പൊട്ടിത്തെറിച്ചിരിക്കുകയാണ്. ബാലുശ്ശേരി പനങ്ങാട് പഞ്ചായത്തിലെ കറ്റോട്ടില്‍ കോപ്പറ്റ ബാബുവിന്റെ വീട്ടിലെ ഒന്നാം നിലയില്‍ പാകിയ ടൈലുകളാണ് ഉഗ്രശബ്ദത്തോടെ പൊട്ടിത്തെറിച്ചത്. കഴിഞ്ഞ ദിവസമാണ് സംഭവം.
ഉഗ്രശബ്ദത്തോടെ ടൈലുകള്‍ മുഴുവന്‍ പൊട്ടിയിളകി ഉയര്‍ന്നു പൊങ്ങിയെന്ന് വീട്ടുകാര്‍ പറയുന്നു. ഇതുകണ്ട് പരിഭ്രാന്തരായ കുടുംബാംഗങ്ങള്‍ ഉടന്‍ വീട്ടില്‍ നിന്ന് പുറത്തേക്ക് ഇറങ്ങുകയായിരുന്നു. ഉയര്‍ന്ന അന്തരീക്ഷ താപനില കാരണമാകാം ഇങ്ങനെ സംഭവിച്ചതെന്നാണ് പ്രാഥമിക നിഗമനം. സമീപത്തെ വാര്‍ഡിലെ ഒരു വീട്ടിലും ദിവസങ്ങള്‍ക്ക് മുമ്പ് സമാനമായ സംഭവം നടന്നിരുന്നുവെന്ന് പഞ്ചായത്ത് അധികൃതര്‍ പറഞ്ഞു.
Read Also:കാനഡയിൽ മലയാളി യുവതി വീടിനുള്ളിൽ മരിച്ചനിലയിൽ: ഭർത്താവിനെ കാണാനില്ല: ദുരൂഹത
