കേരളത്തിൽ കരിമഴയും ചുവന്ന മഴയുമൊക്കെയാണ് പെയ്യാറ്. എന്നാൽ ഇറാനികൾക്ക് ഇന്നലെ ലഭിച്ചത് മീൻ മഴയാണ്. വീണതൊന്നും പരൽ മീനുകളായിരുന്നില്ല. എല്ലാം ഒരു ഒന്നൊന്നര വലുപ്പമുള്ള മീനുകൾ. ഇറാനികൾക്ക് ഇത് ആദ്യ സംഭവമല്ല. മുമ്പും ഇത്തരം മഴകൾ ലഭിച്ചിട്ടുണ്ടെന്നാണ് റിപ്പോർട്ടുകൾ പറയുന്നത്. നേരത്തെയും ഇറാനിൽ മീൻമഴ ലഭിച്ചിരുന്നു. ഒപ്പം ബഹിരാകാശ മാലിന്യങ്ങളും വലിയ വിമാനങ്ങളിൽ നിന്നുള്ള ശീതികരിച്ച മാലിന്യങ്ങളും താഴേക്ക് വീഴാറുണ്ടെന്നും ഇറാനികൾ പറയുന്നു.
Tras una tormenta en Irán, se registró un extraordinario suceso donde peces vivos caen del cielo. El video viral muestra una escena sorprendente que aún no tiene explicación clara. pic.twitter.com/x4ihwnJP4d
— Alerta Noticias UKR 24 (@UKR_token) May 4, 2024
സാമൂഹിക മാധ്യമങ്ങളിൽ ഇപ്പോൾ വൈറലായ വീഡിയോയിൽ റോഡിലൂടെ വാഹനങ്ങൾ കടന്ന് പോകുമ്പോൾ ആകാശത്ത് നിന്നും അത്യാവശ്യം വലിപ്പമുള്ള ജീവനുള്ള മീനുകൾ ഭൂമിയിലേക്ക് വീഴുന്നത് കാണാവുന്നതാണ്. വീഡിയോ പകർത്തുന്നയാൾ റോഡിൽ വീണു കിടക്കുന്ന ഒരു മത്സ്യത്തെ എടുത്തുയർത്തി വീഡിയോയിൽ കാണിക്കുന്നുണ്ട്. സാമാന്യം വലിപ്പമുള്ള ജീവനുള്ള മീനാണ് അതെന്ന് കാഴ്ചയിൽ വ്യക്തം. കഴിഞ്ഞ തിങ്കളാഴ്ചയാണ് ഇറാനിലെ യസുജ് മേഖലയിലെ മുനിസിപ്പൽ പ്ലാസയ്ക്ക് മുന്നിലാണ് മീൻ മഴ പെയ്തതതെന്ന് റിപ്പോർട്ടുകൾ പറയുന്നു,
