പോക്സോ കേസിൽ ശിക്ഷിക്കപ്പെട്ടു ജയിലിൽ കിടന്നയാൾ സമാനമായ മറ്റൊരു കേസിൽ വീണ്ടും ജയിലിലേക്ക്. മലപ്പുറത്താണ് സംഭവം. 14 കാരനെ ലൈംഗികമായി ചൂഷണം ചെയ്തതിന്റെ പേരിൽ നാലുവർഷം കഠിനതടവ് അനുഭവിച്ച വ്യക്തിയെയാണ് സമാന കേസിൽ ശിക്ഷിച്ചത്. ഇത്തവണ ഒൻപതു വയസുകാരി പെൺകുട്ടിക്ക് നേരെ ലൈംഗിക അതിക്രമം നടത്തിയ കേസിലാണ് ശിക്ഷ വിധിച്ചിരിക്കുന്നത്. 93 വർഷം കഠിന തടവും മൂന്നുലക്ഷം രൂപ പിഴയുമാണ് ശിക്ഷ. പുലാമന്തോൾ വടക്കൻ പാലൂർ വീട്ടിൽ മുഹമ്മദ് റഫീക്കിനെ ആണ് പെരിന്തൽമണ്ണ സ്പെഷ്യൽ കോടതി ശിക്ഷ വിധിച്ചത്. 2020 മുതൽ പ്രദീപ് പെൺകുട്ടിയെ ലൈംഗിക ചൂഷണത്തിന് ഇരയാക്കിയതായി ആണ് കുറ്റം. പ്രതിക്കായി സ്പെഷ്യൽ പബ്ലിക് പ്രോസിക്യൂട്ടർ അഡ്വക്കേറ്റ് സ്വപ്ന വി പരമേശ്വരൻ ഹാജരായി.
