തൃശൂർ അന്തിക്കാട് ഹൈസ്കൂളിലെ 1985-86 എസ്എസ്എൽസി ബാച്ചിന്റെ പൂർവ്വ വിദ്യാർത്ഥി സംഗമത്തിനിടെ നടന്ന ഒരു കിച്ചൻ ഡാൻസാണ് ഇപ്പോൾ സോഷ്യൽ മീഡിയയിലെ താരം. എൺപതുകളിലേയും തൊണ്ണൂറുകളിലെയും ട്രെന്‍റായ കിച്ചൻ ഡാൻസ് വീണ്ടും അരങ്ങിൽ എത്തിച്ചത് “ഇഷ്ട സ്വർഗ്ഗങ്ങൾ” എന്ന പരിപാടിയിൽ പങ്കെടുത്തവരാണ്. അഡ്വ. ബീന, ഷിനു കുറുവത്ത് തുടങ്ങിയവരാണ് ഡാൻസിൽ പങ്കെടുത്തത്. തീപ്പൊരി കേശവൻ, ചെങ്കളം മാധവൻ, മുണ്ടക്കൽ ശേഖരൻ, ഇടിവെട്ട് സുഗുണൻ, പാലാരിവട്ടം ശശി, കടയാടി ബേബി, ദശമൂലം രാമു, ഉടുമ്പ് ബീന, ചീങ്കണ്ണി ബിന്ദു, ചിമ്പാൻസി വിജിത തുടങ്ങിയ ഓമനപ്പേരിട്ടാണ് ഓരോരുത്തരെയും അവതരിപ്പിച്ചത്. സംഗമത്തിൽ നൂറോളം പൂർവ വിദ്യാർത്ഥികൾ പങ്കെടുത്തു. പരിപാടിയുടെ അവസാനം ഭക്ഷണം ഒരുക്കിയിരുന്ന കലവറയിൽ ബാക്കിവന്ന സാധനങ്ങൾ കൊണ്ടായിരുന്നു കിടിലൻ കിച്ചൻ ഡാൻസ് അരങ്ങേറിയത്. ഇതിന്റെ വീഡിയോ ഇപ്പോൾ സോഷ്യൽ മീഡിയയിൽ തരംഗമാവുകയാണ്.
