പാലക്കാട്: വാഹനാപകടത്തിൽ അച്ഛനും മകളും മരിച്ചതിന്റെ നടുക്കം മാറുന്നതിനു മുന്നെ ഇന്ന് വീണ്ടും അപകടം. ഇന്നും പൊലിഞ്ഞത് രണ്ട് ജീവനുകളാണ്.
കഞ്ചിക്കോട്ട് ദേശീയപാതയിൽ ലോറിക്ക് പിന്നിൽ പിക്കപ്പ് വാൻ ഇടിക്കുകയായിരുന്നു. മേപ്പറമ്പ് പേഴുങ്കര സ്വദേശി നിഷാദ് (23), കൊടുന്തിരപ്പുള്ളി സ്വദേശി ശിവൻ (57) എന്നിവരാണ് മരിച്ചത്. ഗുരുതരമായി പരിക്കേറ്റ പിക്കപ്പ് വാൻ ഡ്രൈവറെ ആശുപത്രിയിൽ പ്രവേശിപ്പിച്ചു.
ഇന്ന് പുലർച്ചെയാണ് സംഭവം. കോയമ്പത്തൂരിൽ നിന്ന് പാലക്കാട്ട് ഭാഗത്തേയ്ക്ക് വരുമ്പോഴാണ് ഇരുവാഹനങ്ങളും അപകടത്തിൽപ്പെട്ടത്. ലോറിക്ക് പിന്നിൽ കോഴി കയറ്റി വന്ന പിക്കപ്പ് വാൻ ആണ് ഇടിച്ചത്. രണ്ടുപേരും തത്ക്ഷണം മരിച്ചതായാണ് പൊലീസ് പറയുന്നത്. വാഹനം പൊളിച്ചാണ് അഗ്നിരക്ഷാസേന മൂവരെയും പുറത്തെടുത്തത്.
