അൽ മംസാർ ബീച്ചിലേയ്ക്കുള്ള ബസ് യാത്രക്കാരുടെ സൗകര്യാർഥം മെട്രോയിൽ നിന്നും ബീച്ചിലേയ്ക്ക് പുതിയ ബസ് സർവീസ് ആരംഭിച്ച് ദുബൈ ആർ.ടി.എ. വെള്ളിയാഴ്ച മുതലാണ് ബസ് സർവീസ് ആരംഭിച്ചത്. റൂട്ട് w20 വെള്ളിയാഴ്ച മുതൽ ഞായറാഴ്ച വരെ വൈകീട്ട് അഞ്ചിനും 11 നും ഇടയിൽ സ്റ്റേഡിയം മെട്രോ സ്റ്റേഷനെ അൽ മംസാർ ബീച്ചുമായി ബസ് ബന്ധിപ്പിയ്ക്കുന്നു. ഇതോടെ അവധി ദിനങ്ങളിൽ ബീച്ചിലെത്തുന്ന സാധാരണക്കാർക്ക് ബസ് റൂട്ട് കൂടുതൽ ഗുണകരമാകും. പൊതു ഗതാഗത യാത്രക്കാർക്ക് ഗുണകരമാകുന്ന രീതിയിൽ ഇത്തരം കൂടുതൽ ബസ് റൂട്ടുകൾ ആരംഭിയ്ക്കുമെന്ന് സൂചനയുണ്ട്. ദുബൈ ഫെസ്റ്റിവൽ സിറ്റിയും അൽ ഗർഹൂദ് റൂട്ട് c04 മുഹമ്മദ് ബിൻ റാഷിദ് ലൈബ്രറിയും ഉൾപ്പെടുത്തി റൂട്ട് f 62 വിപൂലീകരിയ്ക്കും. 103, 106 റൂട്ടുകൾ പ്രധാന സ്റ്റേഷനുകളിൽ നിന്നും ഗ്ലോബൽ വില്ലേജിലേയ്ക്ക് നേരിട്ട് സ്റ്റോപ്പില്ലാതെ നടത്തും.