ഗുരുവായൂർ ദേവസ്വം ബോർഡിന്റെ ഉടമസ്ഥതയിൽ ഉടമസ്ഥതയിലുള്ളത് 1,601 കോടി രൂപയുടെ സ്വർണവും 6,335 കിലോഗ്രാം വെള്ളിയും
തൃശൂർ: ഗുരുവായൂർ ദേവസ്വം ബോർഡിന്റെ ഉടമസ്ഥതയിൽ 1,601 കോടി രൂപ വിലമതിക്കുന്ന സ്വർണമുണ്ടെന്ന് വിവരാവകാശ രേഖകൾ വ്യക്തമാക്കുന്നു.
പാലക്കാട് മഞ്ഞപ്ര സ്വദേശി പേരലിക്കളം കൃഷ്ണദാസ് നൽകിയ വിവരാവകാശ അപേക്ഷയ്ക്ക് ലഭിച്ച മറുപടിയിലാണ് ഈ കണക്കുകൾ പുറത്തുവന്നത്.
ഗുരുവായൂർ ദേവസ്വത്തിന്റെ നിയന്ത്രണത്തിലുള്ള മറ്റ് ക്ഷേത്രങ്ങളിലുമുള്ള സ്വർണാഭരണങ്ങളുടെയും ഉരുപ്പടികളുടെയും വിശദാംശങ്ങളും മറുപടിയിൽ ഉൾപ്പെടുത്തിയിട്ടുണ്ട്. ഗുരുവായൂർ ദേവസ്വം പബ്ലിക് ഇൻഫർമേഷൻ ഓഫീസർ എൻ. ഷാജു ശങ്കരനാണ് വിവരങ്ങൾ നൽകിയത്.
ദേവസ്വത്തിന്റേതായി ആകെ 1,39,895 പവൻ സ്വർണമാണുള്ളത്. നിലവിലെ വിപണി വില പ്രകാരം ഇതിന്റെ ആകെ മൂല്യം 1,601 കോടിയായി കണക്കാക്കുന്നു.
സ്വർണ നിക്ഷേപ പദ്ധതി പ്രകാരം 869 കിലോഗ്രാം സ്വർണം സ്റ്റേറ്റ് ബാങ്ക് ഓഫ് ഇന്ത്യയിൽ നിക്ഷേപിച്ചിട്ടുണ്ടെന്നും രേഖകളിൽ പറയുന്നു.
ഡബിൾ ലോക്കർ രജിസ്റ്റർ അനുസരിച്ച് 245.52 കിലോഗ്രാം സ്വർണം ദേവസ്വം ലോക്കറുകളിലുണ്ട്. സ്വർണ ലോക്കറ്റുകൾ നിർമ്മിക്കാൻ നൽകിയതിന്റെ ശേഷിപ്പായ 4.46 കിലോഗ്രാം സ്വർണം ധനകാര്യ മന്ത്രാലയത്തിന് കീഴിലുള്ള മുംബൈ മിന്റിലാണ് സൂക്ഷിച്ചിട്ടുള്ളത്.
അതേസമയം, ദേവസ്വത്തിന്റേതായി ആകെ 6,335 കിലോഗ്രാം വെള്ളിയുമുണ്ട്. ഡബിൾ ലോക്കർ രജിസ്റ്റർ പ്രകാരം 1,357 കിലോഗ്രാം വെള്ളി ദേവസ്വത്തിന്റെ കൈവശമാണുള്ളത്. ശേഷിക്കുന്ന 4,978.89 ഗ്രാം വെള്ളി കേന്ദ്രസർക്കാരിന്റെ ഹൈദരാബാദ് മിന്റിൽ സൂക്ഷിച്ചിരിക്കുകയാണ്.
English Summary
The Guruvayur Devaswom Board owns gold worth ₹1,601 crore, according to details revealed under the Right to Information Act. The board possesses 1,39,895 sovereigns of gold, with portions deposited in SBI, stored in double lockers, and held at the Mumbai Mint. Additionally, the Devaswom owns over 6,335 kg of silver, some of which is kept in the Hyderabad Mint.
guruvayur-devaswom-gold-assets-rti-revelation
Guruvayur Devaswom, gold assets, RTI reply, temple wealth, Thrissur news, Guruvayur temple, silver reserves
