കുടുംബം തകർത്തത് ഉമ്മൻചാണ്ടി; ചാണ്ടി ഉമ്മൻ മറുപടി പറയുമോ?

കുടുംബം തകർത്തത് ഉമ്മൻചാണ്ടി; ചാണ്ടി ഉമ്മൻ മറുപടി പറയുമോ?

തിരുവനന്തപുരം:

അന്തരിച്ച മുൻ മുഖ്യമന്ത്രി ഉമ്മൻചാണ്ടിക്കെതിരെയും അദ്ദേഹത്തിന്റെ മകൻ ചാണ്ടി ഉമ്മൻ എം.എൽ.എയ്ക്കെതിരെയും ഗുരുതര ആരോപണങ്ങളുമായി മന്ത്രി കെ.ബി. ഗണേഷ് കുമാർ രംഗത്തെത്തി. 

തന്റെ കുടുംബജീവിതം തകർന്നതിനും, മക്കളെയും തന്നെയും രണ്ടു വഴിയിലാക്കിയതിനും പിന്നിൽ ഉമ്മൻചാണ്ടിയാണെന്ന് ഗണേഷ് കുമാർ കുറ്റപ്പെടുത്തി.

സോളാർ കേസുമായി ബന്ധപ്പെട്ട് ഉമ്മൻചാണ്ടിയെ വേട്ടയാടിയെന്ന ചാണ്ടി ഉമ്മന്റെ ആരോപണത്തിന് മറുപടിയായാണ് ഗണേഷിന്റെ പ്രതികരണം. 

“മധ്യസ്ഥത” എന്ന പേരിൽ ഇടപെട്ട് തന്റെ കുടുംബജീവിതം തകർത്തത് ഉമ്മൻചാണ്ടിയാണെന്നും, അതിന് ചാണ്ടി ഉമ്മൻ മറുപടി പറയണമെന്നും ഗണേഷ് ആവശ്യപ്പെട്ടു.

2003-ൽ യാതൊരു കുറ്റവും ചെയ്യാതെ കുടുംബവഴക്കിന്റെ പേരിൽ തന്നെ മന്ത്രിസ്ഥാനം രാജിവെക്കാൻ നിർബന്ധിതനാക്കിയെന്നും, പിന്നീട് സ്ഥാനം തിരികെ നൽകാമെന്ന് പറഞ്ഞ് തന്നെ വഞ്ചിച്ചുവെന്നും ഗണേഷ് കുമാർ ആരോപിച്ചു. 

ഉമ്മൻചാണ്ടിയെ താൻ ദ്രോഹിച്ചുവെന്ന കഥകൾ തിരഞ്ഞെടുപ്പ് കാലത്ത് വോട്ടർമാരെ തെറ്റിദ്ധരിപ്പിക്കാൻ വേണ്ടി സൃഷ്ടിച്ചതാണെന്നും അദ്ദേഹം പറഞ്ഞു.

പത്തനാപുരത്ത് നടന്ന രാഷ്ട്രീയ വിശദീകരണ യോഗത്തിലാണ് ചാണ്ടി ഉമ്മൻ ആദ്യം ഗണേഷ് കുമാറിനെതിരെ ആരോപണം ഉന്നയിച്ചത്. 

സോളാർ കേസുമായി ബന്ധപ്പെട്ട് 18 പേജുള്ള കത്ത് 24 പേജായി മാറിയതിനു പിന്നിൽ ഗണേഷ് കുമാറാണെന്നായിരുന്നു ചാണ്ടി ഉമ്മന്റെ ആരോപണം. 

തന്റെ പിതാവ് ഗണേഷിനെ സ്വന്തം മകനെപ്പോലെ കണ്ടിരുന്നുവെന്നും, ആ വിശ്വാസമാണ് ഗണേഷ് തകർത്തതെന്നും ചാണ്ടി ഉമ്മൻ പറഞ്ഞിരുന്നു.

English Summary

Kerala Minister K.B. Ganesh Kumar has made serious allegations against former Chief Minister Oommen Chandy and his son, MLA Chandy Oommen. Ganesh Kumar accused Oommen Chandy of interfering in his personal life under the guise of mediation, which he claims led to the breakdown of his family and political setbacks, including his resignation as minister in 2003. He was responding to Chandy Oommen’s allegation that Ganesh Kumar targeted Oommen Chandy in the solar scam case. The war of words highlights escalating political tensions between the two leaders.

ganesh-kumar-allegations-against-oommen-chandy-chandy-oommen

Ganesh Kumar, Oommen Chandy, Chandy Oommen, Kerala Politics, Solar Case, Political Allegations, Congress, LDF