പരാതിപ്പെട്ടത് എന്റെ തെറ്റ്; ആത്മഹത്യ ചെയ്യണമായിരുന്നു; എന്നെ ജീവിക്കാന് വിടൂ…
തൃശൂർ: നടിയെ ആക്രമിച്ച കേസിലെ അതിജീവിത, തനിക്കെതിരായ തുടർച്ചയായ അധിക്ഷേപങ്ങൾക്കും ആക്രമണങ്ങൾക്കും പിന്നാലെ ഹൃദയസ്പർശിയായ കുറിപ്പ് പങ്കുവച്ചു.
തനിക്കെതിരെ നടന്ന അക്രമത്തിന് ശേഷം പൊലീസിൽ പരാതി നൽകുകയും നിയമനടപടികൾക്കായി മുന്നോട്ട് പോകുകയും ചെയ്തതാണെന്ന് തന്നെ കുറ്റപ്പെടുത്തുന്ന സമീപനങ്ങളെയാണ് അതിജീവിത ശക്തമായി വിമർശിച്ചത്.
“എനിക്കെതിരെ അക്രമം നടന്നപ്പോൾ അതിനെതിരെ പരാതി നൽകിയതും നിയമപരമായ വഴിയിലേക്ക് പോയതുമാണ് ഞാൻ ചെയ്ത തെറ്റ്” എന്ന വ്യംഗ്യാർഥത്തിലുള്ള വാക്കുകളോടെയാണ് കുറിപ്പ് തുടങ്ങുന്നത്.
അന്ന് മൗനം പാലിച്ചിരുന്നെങ്കിൽ, പിന്നീട് വീഡിയോ പുറത്തുവന്നാൽ എന്തുകൊണ്ട് പരാതി നൽകിയില്ലെന്ന് ചോദിച്ച് കുറ്റപ്പെടുത്തുന്നവരോട് മറുപടി പറയാനാവാതെ ആത്മഹത്യ ചെയ്യേണ്ടി വരുമായിരുന്നു എന്നും അതിജീവിത പറയുന്നു.
കേസിലെ രണ്ടാം പ്രതി ശിക്ഷയ്ക്ക് വിധിക്കപ്പെടുന്നതിന് മുൻപ് പുറത്തുവിട്ട വീഡിയോയെയും കുറിപ്പിൽ പരാമർശിക്കുന്നു. ആ വീഡിയോയിൽ “നിങ്ങളുടെ നഗ്ന വീഡിയോ എടുത്തത് ഞാനാണ്” എന്ന് കൂടി പറയാമായിരുന്നുവെന്നും അതിജീവിത കുറിച്ചു.
ഇത്തരം വൈകൃതമായ ആരോപണങ്ങളും പ്രചാരണങ്ങളും നടത്തുന്നവരോടും അത് പങ്കുവയ്ക്കുന്നവരോടും, ഈ അവസ്ഥ ഒരിക്കലും അവർക്കോ അവരുടെ കുടുംബാംഗങ്ങൾക്കോ നേരിടേണ്ടി വരരുതെന്നതാണ് തനിക്ക് പറയാനുള്ളതെന്നും അതിജീവിത വ്യക്തമാക്കി.
ഇതിന് മുൻപ്, അതിജീവിതയുടെ പേര് പരസ്യമാക്കി സമൂഹമാധ്യമങ്ങളിൽ വീഡിയോ പ്രചരിപ്പിച്ച സംഭവത്തിൽ കേസിലെ രണ്ടാം പ്രതിക്കെതിരെ പൊലീസ് കേസ് രജിസ്റ്റർ ചെയ്തിരുന്നു.
അതിജീവിതയുടെ പേര് വെളിപ്പെടുത്തിയതിനും സമൂഹമാധ്യമങ്ങളിലൂടെ അപകീർത്തിപ്പെടുത്തിയതിനുമാണ് തൃശൂർ സിറ്റി പൊലീസ് നടപടി സ്വീകരിച്ചത്.
അതിജീവിത പങ്കുവച്ച കുറിപ്പ്;
ഞാന് ചെയ്ത തെറ്റ്. എനിക്കെതിരെ ഒരു അക്രമം നടന്നപ്പോള് അതപ്പോള് തന്നെ പൊലീസില് പരാതിപ്പെട്ടത്, നിയമനടപടി വേണമെന്ന് ആവശ്യപ്പെട്ട് മുന്നോട്ട് പോയത്.
അന്നേ സംഭവിച്ചതെല്ലാം വിധിയാണെന്ന് സമാധാനിച്ച് ആരോടും ഒന്നും പറയാതെ മിണ്ടാതെ ഇരിക്കണമായിരുന്നു.
പിന്നീട് എപ്പോഴെങ്കിലും ആ വിഡിയോ പുറത്ത് വരുമ്പോള് ഇത് എന്തുകൊണ്ട് അന്നേ പൊലീസില് പരാതിപ്പെട്ടില്ല എന്ന് കുറ്റപ്പെടുത്തുന്നവരോട് എന്ത് പറയണം എന്നറിയാതെ ആത്മഹത്യ ചെയ്യണമായിരുന്നു.
20 വര്ഷം ശിക്ഷയ്ക്ക് വിധിച്ച് ജയിലില് പോയ രണ്ടാം പ്രതി പോകുന്നതിന് മുമ്പേ ഒരു വിഡിയോ എടുത്തത് കണ്ടു. അതില് ഞാന് ആണ് നിങ്ങളുടെ നഗ്ന വിഡിയോ എടുത്തത് എന്നു കൂടെ പറയാമായിരുന്നു.
ഇത്തരം വൈകൃതങ്ങള് പറയുന്നവരോടും പ്രചരിപ്പിക്കുന്നവരോടും നിങ്ങള്ക്കോ നിങ്ങളുടെ വീട്ടിലുള്ളവര്ക്കോ ഈ അവസ്ഥ വരാതിരിക്കട്ടെ.
ഞാന് ഇരയല്ല, അതിജീവിതയല്ല, ഒരു സാധാരണ മനുഷ്യജീവിയാണ്. എന്നെ ജീവിക്കാന് വിടൂ.
നേരത്തെ, നടിയെ ആക്രമിച്ച കേസിലെ അതിജീവിതയുടെ പേര് ഉള്പ്പെടുത്തി വീഡിയോ പുറത്തുവിട്ട സംഭവത്തില് കേസിലെ രണ്ടാം പ്രതി മാര്ട്ടിന് ആന്റണിക്കെതിരെ പൊലീസ് കേസെടുത്തിരുന്നു.
തൃശൂര് സിറ്റി പൊലീസാണ് കേസെടുത്തത്. അതിജീവിതയുടെ പേരു വെളിപ്പെടുത്തിയതിനും സമൂഹ മാധ്യമങ്ങളിലൂടെ അപകീര്ത്തിപ്പെടുത്തിയതിനുമാണ് നടപടി.
English Summary
The survivor in the actress assault case shared an emotional note condemning the harassment and abuse she continues to face for seeking legal action. She criticised the narrative that blames victims for approaching the police and highlighted the trauma caused by defamatory videos circulated by the second accused. Police have already registered a case against him for revealing her identity and defaming her on social media.
actress-assault-survivor-emotional-note-thrissur
actress assault case, survivor statement, cyber harassment, victim shaming, Thrissur, Kerala news
