രോഹിത് ശർമയുടെ തന്ത്രം ഫലം കണ്ടു
സിഡ്നിയിൽ നടന്ന മൂന്നാം ഏകദിനത്തിൽ ഓസ്ട്രേലിയയുടെ മധ്യനിര തകർന്നത് മിച്ചൽ ഓവന്റെ വിക്കറ്റ് വീണതോടെ. അതിന്‍റെ പിന്നിൽ മുൻ നായകൻ രോഹിത് ശർമയുടെ കൃത്യമായ തന്ത്രമാണ്.
34-ാം ഓവറിൽ ഓസ്ട്രേലിയ 184-3 എന്ന മികച്ച നിലയിൽ നിന്നപ്പോൾ ആരാധകർ 280 റൺസിന് മുകളിൽ സ്കോർ പ്രതീക്ഷിച്ചിരുന്നു. എന്നാൽ ഇന്ത്യ അതുല്യമായ തിരിച്ചടിയാണ് കാഴ്ചവെച്ചത്.
റാണ-സുന്ദർ കൂട്ടുകെട്ട് ഓസീസിനെ തളർത്തി
ഹർഷിത് റാണയുടെ പന്തിൽ അലക്സ് ക്യാരിയെ ശ്രേയസ് അയ്യർ അത്ഭുതകരമായ ക്യാച്ചിലൂടെ പുറത്താക്കി.
പിന്നാലെ ടോപ് സ്കോററായ മാറ്റ് റെൻഷാ വാഷിംഗ്ടൺ സുന്ദറിന്‍റെ പന്തിൽ എൽബിഡബ്ല്യുവായി.
ഇതോടെ കഴിഞ്ഞ മത്സരത്തിൽ മികച്ച പങ്കാളിത്തം കാഴ്ചവെച്ച കൂപ്പർ കൊണോലി–മിച്ചൽ ഓവൻ കൂട്ടുകെട്ടിൽ ഓസ്ട്രേലിയയുടെ പ്രതീക്ഷകൾ ഉറച്ചു.
രോഹിത്തിന്റെ നിർദ്ദേശം: ഗുഡ് ലെങ്ത് + സ്ലിപ്പ്
മിച്ചൽ ഓവൻ ക്രീസിലെത്തിയപ്പോൾ ഹർഷിത് റാണയ്ക്ക് നിർണായക ഉപദേശം നല്‍കിയത്‌ രോഹിത് ശർമയായിരുന്നു. സ്ലിപ്പിൽ ഫീൽഡറെ നിർത്തി ഗുഡ് ലെങ്ത്തിൽ പന്തെറിയാനാണ് രോഹിത് പറഞ്ഞത്.
അദ്ദേഹത്തിന്റെ നിർദ്ദേശ പ്രകാരം പന്തെറിയാനെത്തിയ റാണയുടെ ഗുഡ് ലെങ്ത് പന്ത് ബൗൺസ് നേടി പുറത്തേക്ക് പോയി — ബാറ്റ് തൊടിച്ച ഓവന്റെ ഷോട്ട് രോഹിത് സ്ലിപ്പിൽ അനായാസം കൈയിൽ ഒതുക്കി.
ഓസീസിന്‍റെ നടുവൊടിച്ച വിക്കറ്റ്
മിച്ചൽ ഓവന്റെ വിക്കറ്റ് വീണതോടെ ഓസ്ട്രേലിയയുടെ മധ്യനിര തകർന്നു, സ്കോർ മുന്നോട്ട് നീങ്ങാതെ ഇന്ത്യ നിയന്ത്രണം പിടിച്ചു.
രോഹിത്തിന്റെ തന്ത്രബുദ്ധിയും ഹർഷിത് റാണയുടെ കൃത്യമായ പന്തെറിയലും ഇന്ത്യയുടെ വിജയത്തിലേക്ക് വഴിയൊരുക്കി.
English Summary:
In the 3rd ODI against Australia at Sydney, Rohit Sharma’s sharp tactical move led to Mitchell Owen’s dismissal, breaking Australia’s middle order. With Australia cruising at 184/3 in the 34th over, hopes were high for a 280+ score. However, after Alex Carey and Matt Renshaw fell, Rohit advised Harshit Rana to bowl a good-length delivery with a slip in place. The plan worked perfectly as Owen edged the ball to Rohit at slip, turning the match in India’s favor. Rohit’s quick thinking and Harshit’s precise execution proved decisive, triggering a collapse that shifted the momentum firmly towards India.
