ഇൻഷൂറൻസുകൾക്ക് ഇനിമുതൽ 0 ജി.എസ്.ടി
ന്യൂഡൽഹി: ഇന്ത്യൻ നികുതി സംവിധാനത്തിൽ ചരിത്രപരമായ മാറ്റമെന്ന നിലയിൽ ആരോഗ്യ ഇൻഷുറൻസ്, ലൈഫ് ഇൻഷുറൻസ് ഉൾപ്പെടെയുള്ള നിരവധി സേവനങ്ങൾക്ക് ഇനി മുതൽ ജി.എസ്.ടി ഒഴിവാക്കി.
നവരാത്രിയുടെ ആദ്യ ദിനമായ സെപ്റ്റംബർ 22 മുതൽ പ്രാബല്യത്തിൽ വരുന്ന പുതിയ നികുതി പരിഷ്‌കാരമാണ് ജനങ്ങൾക്കിടയിൽ വലിയ ആശ്വാസം നൽകുന്നത്.
ധനമന്ത്രി നിർമല സീതാരാമൻ അധ്യക്ഷയായ 56ാമത് ജി.എസ്.ടി കൗൺസിൽ യോഗത്തിനു ശേഷമാണ് ഈ പ്രഖ്യാപനം ഉണ്ടായത്.
നിലവിൽ 18 ശതമാനം ജി.എസ്.ടി ബാധകമായിരുന്ന ഇൻഷുറൻസ് സേവനങ്ങൾ ഇനി പൂജ്യ നികുതിയിൽ വരും. ഇതോടെ:
ലൈഫ് ഇൻഷുറൻസ്
യുണിറ്റ് ലിങ്ക്ഡ് ഇൻഷുറൻസ് പ്ലാൻ (ULIP)
എൻഡോവ്മെന്റ് പ്ലാൻ
ആരോഗ്യ ഇൻഷുറൻസ്
എന്നിവയ്ക്കെല്ലാം ജി.എസ്.ടി ഒഴിവാക്കപ്പെടുന്നു. പ്രത്യേകിച്ച് സീനിയർ സിറ്റിസൺസിനുള്ള ആരോഗ്യ ഇൻഷുറൻസ് പ്രീമിയം നിരക്ക് ഗണ്യമായി കുറയും.
നിത്യോപയോഗ സാധനങ്ങളിൽ ആശ്വാസം
കൗൺസിലിന്റെ തീരുമാനം സാധാരണ ജനങ്ങളുടെ ചെലവ് കുറയ്ക്കുന്ന രീതിയിലാണ്.
പൂർണ്ണമായും നികുതി ഒഴിവാക്കിയത്:
പാൽ, പനീർ, ചപ്പാത്തി, റൊട്ടി, കടല, റെഡി-ടു-ഈറ്റ് ബ്രെഡുകൾ, പിസ്സ ബ്രെഡ്, ഖക്ര
ജി.എസ്.ടി 5% ആയി നിശ്ചയിച്ചത്:
സോപ്പുകൾ, ഷാമ്പൂ, ടൂത്ത് പേസ്റ്റ്, ഹെയർ ഓയിൽ, സൈക്കിള്‍, വീട്ടുപകരണങ്ങൾ, പാസ്ത, ന്യൂഡിൽസ്, നെയ്യ്, വെണ്ണ, കോഫി, ചോക്ലേറ്റ്
മുമ്പ് 5% നികുതി ബാധകമായിരുന്ന ചപ്പാത്തി, റൊട്ടി, പിസ്സ ബ്രെഡ് തുടങ്ങിയ ഭക്ഷ്യ വസ്തുക്കൾക്കും ഇനി പൂജ്യം ജി.എസ്.ടി. ഇതോടെ സാധാരണ കുടുംബങ്ങളുടെ മാസാന്ത ചെലവിൽ ഗണ്യമായ കുറവ് വരുമെന്നാണ് പ്രതീക്ഷ.
നട്സുകളുടെയും ഉണക്കപ്പഴങ്ങളുടെയും വില കുറഞ്ഞു
ഭക്ഷണ വസ്തുക്കൾക്കൊപ്പം നട്സുകളും ഉണക്കപ്പഴങ്ങളും ഇനി കുറഞ്ഞ വിലയിൽ ലഭ്യമാകും.
ബ്രസീൽ നട്സ് → 12%ൽ നിന്ന് 5% ആയി
ബദാം, ഹാസൽനട്ട്സ്, ചെസ്റ്റ്നട്ട്സ്, പിസ്ത, മക്കാഡാമിയ നട്സ്, കോള നട്സ്, പൈൻ നട്സ് → 12%ൽ നിന്ന് 5%
ഇതോടെ വിപണിയിലെ വിലകൾ ഗണ്യമായി താഴുമെന്നാണ് വ്യാപാരികളുടെ വിലയിരുത്തൽ.
പൊതുജനങ്ങൾക്ക് ഗുണം
ജി.എസ്.ടി കൗൺസിൽ നടപ്പാക്കുന്ന പുതിയ പരിഷ്‌കാരങ്ങൾ സാധാരണ ജനങ്ങളുടെ ജീവിതച്ചെലവുകൾ കുറയ്ക്കുന്ന തരത്തിലാണ്.
ഭക്ഷ്യ വസ്തുക്കളുടെയും ദൈനംദിന ഉപകരണങ്ങളുടെയും വില കുറഞ്ഞാൽ കുടുംബങ്ങൾക്ക് നേരിട്ട് ആശ്വാസം ലഭിക്കും.
അതേസമയം ഇൻഷുറൻസ് മേഖലയിൽ വന്ന വലിയ മാറ്റം ആരോഗ്യവും ജീവിതവും സുരക്ഷിതമാക്കാനുള്ള സാമ്പത്തിക ബാധ്യത കുറയ്ക്കും.
പുതിയ ജി.എസ്.ടി നിരക്കുകൾ നടപ്പാക്കുമ്പോൾ വിപണിയിലെ വിലക്കുറവ് ജനങ്ങൾ നേരിട്ട് അനുഭവിക്കുമെന്നാണ് വിദഗ്ധരുടെ വിലയിരുത്തൽ.
English Summary :
India GST Council announces major tax reform: Zero GST on health and life insurance from September 22. Essentials, food items, and nuts to become cheaper with reduced GST rates.
