തിരുവനന്തപുരം വെങ്ങാനൂരിൽ ആളൊഴിഞ്ഞ പറമ്പിൽ മനുഷ്യന്റെ അസ്ഥികൂടം കണ്ടെത്തി. മനുഷ്യന്റെ തലയോട്ടിയടക്കമുള്ള അസ്ഥികൂടം ആണ് കണ്ടെത്തിയത്. ഫോറന്സിക് വിദഗ്ധരടക്കമെത്തി പരിശോധന നടത്തും. സംഭവത്തിൽ വിശദമായ പരിശോധന നടത്തി വരികയാണ്.
വെങ്ങാനൂര് പനങ്ങോട് ഏലാകരയിൽ ഇന്ന് രാവിലെ കുളിക്കാനായി എത്തിയ യുവാക്കളാണ് അസ്ഥികൂടം കണ്ടെത്തിയത്. പറമ്പിന്റെ ഉടമസ്ഥൻ വിവരം അറിഞ്ഞതിനെ തുടർന്ന് സ്ഥലത്തെത്തിയിട്ടുണ്ട്. ഇന്നലെ മഴപെയ്ത് തോർന്നതോടെ അസ്ഥികൂടം മണ്ണിൽ നിന്ന് പുറത്ത് കാണും വിധം കിടക്കുകയായിരുന്നു.
അസ്ഥികൂടം കണ്ടതോടെ യുവാക്കൾ വിവരം പൊലീസിനെ അറിയിക്കുകയായിരുന്നു. പൊലീസ് സ്ഥലതെത്തിയിട്ടുണ്ട്. അസ്ഥികൂടം പുരുഷന്റേതാണോ സ്ത്രീയുടേതാണോയെന്നതടക്കം വ്യക്തമായിട്ടില്ല.
