നെല്ലു സംഭരിക്കുന്ന മില്ലുടമകളിൽനിന്ന്‌ സി.പി.ഐ മന്ത്രിമാർ ആവശ്യപ്പെട്ടിരിക്കുന്നത് 10 കോടി; പണം നൽകിയാൽ ലാഭമുണ്ടാക്കാൻ അവസരം ഉണ്ടാക്കിക്കൊടുക്കാമെന്ന് വാ​ഗ്ദാനം; ആരോപണവുമായി കൊടിക്കുന്നിൽ സുരേഷ്

ആലപ്പുഴ: നെല്ലു സംഭരിക്കുന്ന മില്ലുടമകളിൽനിന്ന്‌ സി.പി.ഐ മന്ത്രിമാർ 10 കോടി രൂപ ആവശ്യപ്പെട്ടതായി കൊടിക്കുന്നിൽ സുരേഷ് എം.പി. 10 കോടി സംഭാവനചെയ്താൽ കുട്ടനാട് അടക്കമുള്ളയിടത്തു നെല്ലു സംഭരിക്കുമ്പോൾ കിഴിവ് അടിച്ചേൽപ്പിച്ച്‌ ലാഭമുണ്ടാക്കാൻ അവസരം ഉണ്ടാക്കിക്കൊടുക്കാമെന്ന് സി.പി.ഐ മന്ത്രിമാർ വാഗ്ദാനംചെയ്തതായി എം.പി. ആരോപിച്ചു.ലോക്‌സഭാ തിരഞ്ഞെടുപ്പു ഫണ്ടിലേക്ക് പണം നൽകാനാണ് മന്ത്രിമാർ ആവശ്യപ്പെട്ടതെന്നും കൊടിക്കുന്നിൽ പറയുന്നു.