ന്യൂഡല്‍ഹി: തിരഞ്ഞെടുപ്പുകളിൽ ഡിസിസി അധ്യക്ഷന്മാർക്ക് മത്സരവിലക്ക് ഏർപ്പെടുത്തി കോൺഗ്രസ് ഹൈക്കമാൻഡ്. ലോക്‌സഭ-നിയമസഭ തിരഞ്ഞെടുപ്പുകളില്‍ സ്ഥാനാര്‍ത്ഥികളാക്കുന്നതില്‍ നിന്നും വിലക്കാനാണ് ഹൈക്കമാന്‍ഡ് തീരുമാനം. ജില്ലാകോണ്‍ഗ്രസ് അധ്യക്ഷന്മാർതിരഞ്ഞെടുപ്പുകളില്‍ സ്ഥാനാര്‍ത്ഥിയാകുന്നതിനോട് കോൺഗ്രസ് നേതൃത്വത്തിന് താല്പര്യമില്ലെന്നാണ് റിപ്പോർട്ട്. പാർട്ടിയെ ശക്തിപ്പെടുത്തുന്നതിനും തിരഞ്ഞെടുപ്പുകള്‍ക്ക് ചുക്കാന്‍ പിടിക്കുന്നതിനും ഉള്ള മുഖ്യചുമതല ഡിസിസി അധ്യക്ഷന്മാര്‍ക്കാണെന്നാണ് ഹൈക്കമാന്‍ഡിന്റെ അഭിപ്രായം. അഹമ്മദാബാദില്‍ നടന്ന എഐസിസി യോഗത്തിലാണ് ഈ തീരുമാനം അന്തിമമാക്കിയത്. എന്നാൽസ്ഥാനാര്‍ത്ഥി നിര്‍ണയത്തില്‍ ഡിസിസി അധ്യക്ഷന്മാര്‍ക്ക് പ്രധാന റോളുണ്ടാകുമെന്നാണ് വിവരം. ഡിസിസി അധ്യക്ഷന്മാരെ ഹൈക്കമാന്‍ഡ് നിയമിക്കുന്ന രീതിയും ഒഴിവാക്കും.