മലപ്പുറം: മലപ്പുറം കക്കാടംപൊയിൽ കോഴിപ്പാറ വെള്ളച്ചാട്ടത്തിൽ യുവാവിനെ കാണാതായി. യുവാവ്കയത്തിൽ മുങ്ങിപ്പോയതാണെന്നാണ് പ്രാഥമിക വിവരം. ആറം​ഗ വിനോദസഞ്ചാര സംഘത്തിൽപ്പെട്ട യുവാവാണ് കയത്തിൽ മുങ്ങിപ്പോയത്. കോഴിക്കോട് ചേവരംമ്പലം സ്വദേശി സന്ദേശിനെ (20) ആണ് കാണാതായത്. കോഴിക്കോട് ദേവഗിരി കോളേജ് രണ്ടാം വർഷ ബിരുദ വിദ്യാർഥിയാണ് സന്ദേശ്. നിലമ്പൂര്‍ അഗ്നിരക്ഷാ സേനയുടെ നേതൃത്വത്തിലുള്ള സംഘം യുവാവിനായി തിരച്ചിൽ തുടങ്ങി. ഇന്ന് ഉച്ചയോടെയാണ് അപകടമുണ്ടായത്. കോഴിക്കോട് സ്വദേശിയാണ് അപകടത്തിൽപ്പെട്ടത്.