കൊച്ചി: ബ്രഹ്മപുരത്ത് മാലിന്യ സംസ്കരണത്തിന് താല്ക്കാലിക പ്ലാന്റ് സ്ഥാപിക്കാന് കൊച്ചി കോര്പറേഷന് കൗണ്സില് ഈ മാസം 15നു മുന്പ് അനുമതി നല്കുമെന്നു ഹൈക്കോടതിയില് അറിയിച്ചു. പട്ടാള പുഴു ഉപയോഗിച്ചുള്ള പദ്ധതിയാണിതെന്നു കോര്പറേഷന് വിശദീകരിച്ചു. ബ്രഹ്മപുരത്തെ കിണറുകളിലെ ജലസാംപിള് പരിശോധിച്ച് റിപ്പോര്ട്ട് നല്കാന് പരിസര മലിനീകരണ നിയന്ത്രണ ബോര്ഡിനു ഹൈക്കോടതി നിര്ദേശം നല്കി.
ബിപിസിഎല് പ്ലാന്റിനുള്ള അനുമതി സര്ക്കാര് ജൂലൈ 27 ന് നല്കിയിട്ടുണ്ടെന്നു തദ്ദേശഭരണ അഡീഷനല് ചീഫ് സെക്രട്ടറി അറിയിച്ചു. ഇക്കാര്യത്തില് നടപടികള് വേഗത്തിലാക്കാനും ജസ്റ്റിസ് ബെച്ചു കുര്യന് തോമസ്, ജസ്റ്റിസ് പി.ഗോപിനാഥ് എന്നിവരുള്പ്പെട്ട ഡിവിഷന് ബെഞ്ച് നിര്ദേശിച്ചു. ഹര്ജി പരിഗണിക്കുന്ന 18ന് മുന്പ് ഇതുസംബന്ധിച്ച റിപ്പോര്ട്ടുകള് ഹൈക്കോടതിക്കു നല്കാനാണു നിര്ദേശം.