എടപ്പാള്: സംസ്ഥാന പാതയില് സബ് സ്റ്റേഷനു സമീപം സ്വകാര്യ ബസും ചരക്ക് ലോറിയും കാറും കൂട്ടിയിടിച്ച് അപകടം. ഇന്നു രാവിലെ ഏഴു മണിയോടെയാണ് സംഭവം. എടപ്പാളില് നിന്ന് കുറ്റിപ്പുറത്തേക്ക് പോവുകയായിരുന്ന ബസ് നിയന്ത്രണം വിട്ട് കാറിലും ലോറിയിലും ഇടിക്കുകയായിരുന്നു. കാര് യാത്രികരായ 4 പേര്ക്കും ബസ് യാത്രികര്ക്കും പരിക്കേറ്റു.
കാറിനുള്ളില് കുടുങ്ങിയവരെ അഗ്നിരക്ഷാ സേനയെത്തി വാഹനം വെട്ടിപ്പൊളിച്ചാണ് പുറത്തെടുത്തത്. അപകടത്തെ തുടര്ന്ന് സംസ്ഥാന പാതയില് മണിക്കൂറുകളോളം ഗതാഗതം മുടങ്ങി.