ആലപ്പുഴ: നെഹ്റു ട്രോഫി വള്ളം കളിയില് ജലരാജാവായി പള്ളാത്തുരുത്തി ബോട്ട് ക്ലബ്ബ് തുഴഞ്ഞ വീയപുരം ചുണ്ടന്. പള്ളാത്തുരുത്തി തുടര്ച്ചയായി നാലാം തവണയാണ് നെഹ്റുട്രോഫി നേടുന്നത്. അലനും എയ്ഡന് കോശിയും ക്യാപ്റ്റന്മാരായ വീയപുരം ആവേശ്വേജ്ജലമായ പോരാട്ടത്തിലൂടെയാണ് പുന്നമടയുടെ തിരളയിളക്കങ്ങളെ കീഴടക്കിയത്. പുന്നമടക്കായലിനെ ആവേശത്തിമിര്പ്പിലാക്കി നടന്ന ചുണ്ടന് വള്ളങ്ങളുടെ ഫൈനലില് വീയപുരം, നടുഭാഗം, ചമ്പക്കുളം, കാട്ടില് തെക്കെതില് എന്നീ നാല് വള്ളങ്ങളാണ് മത്സരിച്ചത്. അഞ്ച് ഹീറ്റ്സിലായി ഏറ്റവും മികച്ച സമയം കുറിച്ച 4 ചുണ്ടന് വള്ളങ്ങളാണ് ഫൈനല് മത്സരത്തിലേക്ക് യോഗ്യത നേടിയത്. വീയപുരം ചുണ്ടന് (4.18 മിനുറ്റ്), നടുഭാഗം ചുണ്ടന് (4.18 മിനുറ്റ്), ചമ്പക്കുളം ചുണ്ടന് (4.26 മിനുറ്റ്), കാട്ടില് തെക്കെതില് ചുണ്ടന് (4.27 മിനുറ്റ്) എന്നിവര് ഫൈനലിലേക്ക് യോഗ്യത നേടിയത്.
ആദ്യ ഹിറ്റ്സില് പള്ളാത്തുരുത്തി ബോട്ട് ക്ലബ് തുഴഞ്ഞ വീയപുരം ചുണ്ടനും നിന്ന് രണ്ടാം ഹിറ്റ്സില് യൂബിസി കൈനകരി തുഴഞ്ഞ നടുഭാഗം ചുണ്ടനും മൂന്നാം ഹീറ്റ്സില് കേരള പൊലീസ് ക്ലബ് തുഴഞ്ഞ മഹാദേവി കാട് കാട്ടില് തെക്കെതിലും നാലാം ഹിറ്റ്സില് തലവടി ടൗണ് ബോട്ട് ക്ലബ്ബ് തുഴഞ്ഞ തലവടി ചുണ്ടന് അഞ്ചാം ഹീറ്റ്സില് എന്സിഡിസി നിരണം ചുണ്ടന് എന്നിവര് ഒന്നാമതെത്തി. രണ്ടാം ഹീറ്റ്സില് രണ്ടാമതെത്തിയ ചമ്പക്കുളം മികച്ച സമയം കുറിച്ചതിനെ തുടര്ന്നാണ് ഫൈനലിന് യോഗ്യത നേടിയത്. അഞ്ചാം ഹീറ്റ്സില് ഒന്നാമതെത്തിയെങ്കിലും മികച്ച സമയം കുറിച്ച ആദ്യത്തെ നാലില് എത്താന് സാധിക്കാത്തതിനെ തുടര്ന്ന് തലവടി ചുണ്ടന് ഫൈനലിലേക്ക് യോഗ്യത നേടാന് സാധിച്ചിരുന്നു.