വേങ്ങര: ചാർജിൽ ഇട്ടിരുന്ന ഇലക്ട്രിക് സ്കൂട്ടർ കഴുകുന്നതിനിടെ ഷോക്കേറ്റ് മരിച്ച യുവാവിൻ്റെ സംസ്കാരം നടത്തി. വേങ്ങര വലിയോറ മാനാട്ടിപ്പറമ്പ് സ്വദേശി കോരംകുളങ്ങര നാസിം(21)ആണ് സ്കൂട്ടറിൽ നിന്ന് ഷോക്കേറ്റ് മരിച്ചത്. ഇലക്ട്രിക് സ്കൂട്ടർ ചാർജ് ചെയ്തുകൊണ്ടിരിക്കെ സ്കൂട്ടർ കഴുകുന്നതിനിടയിൽ ഷോക്കേൽക്കുകയായിരുന്നു. കഴുകുന്ന മെഷീനിൽ നിന്നാണോ സ്കൂട്ടറിൽ നിന്നാണോ ഷോക്കേറ്റത് എന്ന് ഇപ്പോഴും വ്യക്തമല്ല.