ന്യൂയോര്ക്ക്: കാന്സര് രോഗത്തെ അതിജീവിച്ചതായി പ്രശസ്ത വനിതാ ടെന്നീസ് താരം മാര്ട്ടിന നവ്രത്തിലോവ. അസുഖം പൂര്ണമായും ഭേദമായതായി തിങ്കളാഴ്ച ട്വിറ്ററിലൂടെയാണ് മുന് താരം അറിയിച്ചത്.
ന്യൂയോര്ക്കിലെ മെമ്മോറിയല് സ്ലോണ് കെറ്ററിങ് കാന്സര് സെന്ററില് ഒരു ദിവസം മുഴുവന് നടത്തിയ പരിശോധനകള്ക്ക് ശേഷമാണ് രോഗം ഭേദമായതായി 66-കാരിയായ താരം അറിയിച്ചത്.
ജനുവരിയിലാണ് താരത്തിന് തൊണ്ടയിലും സ്തനത്തിലും കാന്സര് സ്ഥിരീകരിക്കുന്നത്. 18 ഗ്രാന്ഡ്സ്ലാം സിംഗിള്സ് കിരീടങ്ങള് സ്വന്തമാക്കിയിട്ടുള്ള നവ്രത്തിലോവ ടെന്നീസ് ചരിത്രത്തിലെ മികച്ച വനിതാ താരങ്ങളില് ഒരാളാണ്.
