കണ്ണൂര്‍: ആലക്കോട് കാപ്പിമലയില്‍ ഉരുള്‍പൊട്ടി. വൈതല്‍ കുണ്ട് വെള്ളച്ചാട്ടത്തിന് സമീപം ബിനോയ് എന്നയാളുടെ പറമ്പിലാണ് ഉരുള്‍ പൊട്ടല്‍ ഉണ്ടായത്. രാവിലെ പത്ത് മണിയോടെയാണ് അപകടം.
രുവഞ്ചാല്‍, മുണ്ടച്ചാല്‍ എന്നിവിടങ്ങളിലെ ജനവാസ മേഖലയില്‍ വെള്ളമെത്തി. അഞ്ച് വീടുകളിലാണ് വെള്ളം കയറിയത്. നാല് വിടുകളിലെ ആളുകളെ മാറ്റി താമസിപ്പിക്കുന്നതിന് റവന്യൂ അധികൃതര്‍ നടപടി സ്വീകരിച്ചിട്ടുണ്ട്. നാശനഷ്ടങ്ങള്‍ ഇല്ലെന്നാണ് പ്രാഥമികമായ വിവരം.
ജില്ലയിലുടനീളം ഇന്നലെ രാത്രി മുതല്‍ കനത്ത മഴയാണ് പെയ്തു കൊണ്ടിരിക്കുന്നത്. തുടര്‍ച്ചയായ മഴയില്‍ താഴ്ന്നപ്രദേശങ്ങളില്‍ വെള്ളം കയറുന്ന സാഹചര്യവുമുണ്ട്. അടിയന്തിര സാഹചര്യങ്ങളെ നേരിടാന്‍ ദുരിദാശ്വാസ ക്യാമ്പുകള്‍ ഉള്‍പ്പെടെയുള്ള മുന്‍കരുതലുകള്‍ ഒരുക്കിയിട്ടുണ്ട്. മലയോര മേഖലയില്‍ കനത്ത ആശങ്ക നിലനില്‍ക്കുകയാണ്.
