മൂന്ന് കോടി ഇന്ത്യക്കാരെ സ്വന്തമാക്കി ഹോണ്ട ആക്ടീവ

മൂന്ന് കോടി ആക്ടിവ സ്‌കൂട്ടറുകള്‍ വിറ്റഴിക്കുക എന്ന സുപ്രധാന നാഴികക്കല്ല് കൈവരിച്ചതായി പ്രഖ്യാപിച്ച് ജാപ്പനീസ് ജനപ്രിയ ടൂവീലര്‍ ബ്രാന്‍ഡായ ഹോണ്ട മോട്ടോര്‍സൈക്കിള്‍ ആന്‍ഡ് സ്‌കൂട്ടര്‍ ഇന്ത്യ (എച്ച്എംഎസ്‌ഐ). കേവലം 22 വര്‍ഷത്തിനുള്ളില്‍ ഈ നേട്ടം കൈവരിക്കുന്ന രാജ്യത്തെ ഏക സ്‌കൂട്ടര്‍ ബ്രാന്‍ഡാണ് തങ്ങളെന്ന് കമ്പനി അവകാശപ്പെടുന്നു. 2001-ല്‍ ആദ്യമായി അവതരിപ്പിച്ച ആക്ടിവ, ദൈനംദിന യാത്രാ ആവശ്യങ്ങള്‍ക്കായി തുടര്‍ച്ചയായി ഏറ്റവും കൂടുതല്‍ വിറ്റഴിക്കപ്പെടുന്ന സ്‌കൂട്ടറാണ്. 2003-04-ല്‍, അവതരിപ്പിച്ച് മൂന്ന് ദിവസത്തിനുള്ളില്‍, അത് അതിന്റെ വിഭാഗത്തിലെ ഏറ്റവും മികച്ച ഉല്‍പ്പന്നമായി മാറി.

തുടര്‍ന്നുള്ള രണ്ട് വര്‍ഷത്തിനുള്ളില്‍ രാജ്യത്ത് 10 ലക്ഷം വീടുകളിലേക്കെത്തുന്ന നാഴികക്കല്ല് സ്‌കൂട്ടര്‍ പിന്നിട്ടു. 2015-ല്‍, സ്‌കൂട്ടര്‍ ബ്രാന്‍ഡ് ഒരു കോടി-ഉപഭോക്തൃ മാര്‍ക്ക് നേടിയപ്പോള്‍ വെറും ഏഴ് വര്‍ഷത്തിനുള്ളില്‍ മറ്റൊരു രണ്ട് കോടി ഉപഭോക്താക്കളെ ചേര്‍ത്തു. അതായത് 2023-ല്‍, ഇരട്ടി വേഗതയില്‍ ആണ് വളര്‍ച്ചയെന്ന് ചുരുക്കം. 22 വര്‍ഷത്തെ യാത്രയ്ക്കിടെ, ആക്ടിവ നിരവധി തവണ വ്യവസായത്തിലെ ആദ്യ നാഴികക്കല്ലുകളും നേടി.

ഇന്ത്യന്‍ ഇരുചക്ര വാഹന വിപണിയിലെ ആക്ടിവയുടെ യാത്രയില്‍ അഭിമാനമുണ്ടെന്ന് ഹോണ്ട പറഞ്ഞു. ”ഹോണ്ട ആക്ടിവയുടെ അവിശ്വസനീയമായ യാത്രയില്‍ ഞങ്ങള്‍ക്ക് അഭിമാനമുണ്ട്. വെറും 22 വര്‍ഷത്തിനുള്ളില്‍ മൂന്ന്‌കോടി ഉപഭോക്തൃ നാഴികക്കല്ല് കൈവരിക്കാനായത് ഞങ്ങളുടെ ഉപഭോക്താക്കള്‍ ഞങ്ങളില്‍ അര്‍പ്പിക്കുന്ന അചഞ്ചലമായ പിന്തുണയുടെയും വിശ്വാസത്തിന്റെയും സാക്ഷ്യമാണ്. ഞങ്ങളുടെ ഉപഭോക്താക്കള്‍ക്ക് അസാധാരണമായ മൂല്യം എത്തിക്കാന്‍ എച്ച്എംഎസ്‌ഐ പ്രതിജ്ഞാബദ്ധമാണ്,” ഹോണ്ടയുടെ പ്രസിഡന്റും സിഇഒയും മാനേജിംഗ് ഡയറക്ടറുമായ സുറ്റ്‌സുമു ഒട്ടാനി പറഞ്ഞു.

അവതരിപ്പിച്ച് 22 വര്‍ഷത്തിനു ശേഷവും, ഹോണ്ട ആക്ടിവ ഇന്ത്യയിലെ സ്‌കൂട്ടര്‍ സെഗ്മെന്റില്‍ ഭരിക്കുന്നത് തുടരുകയും മൊത്തത്തിലുള്ള വില്‍പ്പനയുടെ കാര്യത്തില്‍ മുന്‍പന്തിയിലാണ്. സമീപ വര്‍ഷങ്ങളില്‍, ഹീറോ മാസ്ട്രോ എഡ്ജ്, ടിവിഎസ് ജൂപ്പിറ്റര്‍, സുസുക്കി ആക്സസ് തുടങ്ങിയ മറ്റ് സ്‌കൂട്ടറുകളില്‍ നിന്ന് ഹോണ്ട ആക്ടിവ വര്‍ദ്ധിച്ചുവരുന്ന മത്സരത്തിന് സാക്ഷ്യം വഹിച്ചു. എന്നിരുന്നാലും, വര്‍ദ്ധിച്ചുവരുന്ന മത്സരങ്ങള്‍ക്കിടയിലും, പ്രധാനമായും ‘ആക്ടിവ’ ബ്രാന്‍ഡുമായി ഉപഭോക്താക്കള്‍ ബന്ധപ്പെടുത്തുന്ന വിശ്വാസവും വിശ്വാസ്യതയും കാരണമാണ് ആക്ടിവ കുന്നിന്‍ മുകളില്‍ തുടരുന്നത്.

ഹോണ്ട ആക്ടിവയ്ക്ക് കരുത്ത് നല്‍കുന്നത് എയര്‍ കൂള്‍ഡ് 109 സിസി സിംഗിള്‍ സിലിണ്ടര്‍ എഞ്ചിനാണ്. ഈ എഞ്ചിന്‍ 7.73 ബിഎച്ച്പി കരുത്തും 8.90 എന്‍എം ടോര്‍ക്കും ഉത്പാദിപ്പിക്കുന്നു. ടിവിഎസ് ജൂപ്പിറ്റര്‍, സുസുക്കി ആക്‌സസ്, യമഹ റേ ഇസെഡ് ആര്‍, ഹീറോ പ്ലഷര്‍ പ്ലസ് എന്നിവയ്‌ക്കെതിരെയാണ് ആക്ടിവ 110 സിസി മത്സരിക്കുന്നത്. ഹോണ്ട ആക്ടിവ 125ന് കരുത്ത് നല്‍കുന്നത് 124 സിസി, എയര്‍ കൂള്‍ഡ് എഞ്ചിനാണ്. 8.19 ബിഎച്ച്പി കരുത്തും 10.4 എന്‍എം ടോര്‍ക്കും ഉത്പാദിപ്പിക്കുന്ന എഞ്ചിനാണിത്. സുസുക്കി ആക്‌സസ് 125, യമഹ ഫസിനോ 125, ടിവിഎസ് ജൂപ്പിറ്റര്‍ 125, ഹീറോ ഡെസ്റ്റിനി 125 എന്നിവയാണ് ഹോണ്ട ആക്ടിവ 125യുടെ എതിരാളികള്‍.