തിരുവനന്തപുരം: മുഖ്യമന്ത്രിയുടെ പൊലീസ് മെഡലിൽ ഉണ്ടായ അക്ഷരപിശകുകൾ പുറത്തുവന്നതോടെ വിവാദം പൊട്ടിത്തെറിച്ചു.
കേരളാ പൊലീസിന്റെ അഭിമാനചിഹ്നമായി വിതരണം ചെയ്തിരിക്കേണ്ട മെഡലുകൾ പിഴവുകളുടെ സമാഹാരമായി മാറിയ സംഭവത്തിൽ, മെഡൽ നിർമിച്ച ഭഗവതി ഇൻഡസ്ട്രീസ് എന്ന സ്ഥാപനത്തിന് സർക്കാർ കർശന ശിക്ഷ വിധിച്ചു.
ഒരു വർഷത്തേക്ക് സർക്കാർ അർധസർക്കാർ സ്ഥാപനങ്ങളുമായി ഇടപാടുകൾ നടത്തുന്നത് സമ്പൂർണമായി നിരോധിച്ച്, സ്ഥാപനത്തെ കരിമ്പട്ടികയിൽ പെടുത്തിയാണ് സർക്കാർ നടപടി കൈക്കൊണ്ടത്.
ഈ ലജ്ജാജനകമായ പിഴവ് സംസ്ഥാനത്തിന്റെ പ്രതിച്ഛായയ്ക്കും പൊലീസിന്റെ മാന്യതയ്ക്കും വലിയ തിരിച്ചടിയായെന്ന് സംസ്ഥാന പൊലീസ് മേധാവി നൽകിയ രൂക്ഷമായ റിപ്പോർട്ടിലാണ് രേഖപ്പെടുത്തിയിരിക്കുന്നത്.
അതിനെ തുടർന്ന് ആഭ്യന്തര വകുപ്പിന്റെയും പൊതുഭരണ വകുപ്പിന്റെയും ശുപാർശ പ്രകാരമാണ് സ്ഥാപനത്തിന് കനത്ത തിരിച്ചടി നൽകിയത്.
എന്തൊക്കെ പിശകിട്ടു? വായിക്കുമ്പോൾ തന്നെ ഞെട്ടും!
വിതരണത്തിന് തയ്യാറാക്കിയ 270 മെഡലുകളിൽ 246 എണ്ണം പിഴവുകളോടെയായിരുന്നു! “മുഖ്യമന്ത്രിയുടെ” എന്ന് എഴുതേണ്ടിടത്ത് “മുഖ്യമന്ത്രയുടെ” “പോലിസ് മെഡൽ” പകരം “പോലസ് മെഡൻ”
2022-ൽ സർക്കാരിന്റെ നിർദ്ദേശമനുസരിച്ച് “പോലീസ്” എന്ന് എഴുതുമ്പോൾ “പൊ” ഉപയോഗിക്കണമെന്ന് ഭരണപരിഷ്‌കരണം നിർദേശിച്ചിട്ടും, അത് പോലും പാലിച്ചില്ല!
സജി ചെറിയാനെതിരായ പ്രസ്താവന പിൻവലിച്ച് വേടൻ; “അപമാനമെന്ന് കരുതുന്നില്ല” –റാപ്പർ വേടൻ നിലപാട് മാറ്റി
പിഴവ് ഭാഷയിൽ മാത്രം ഒന്നുമല്ല… മുദ്രയും പഴയത്!
2010-ൽ സംസ്ഥാനലോഗോയിൽ വിപുലമായ മാറ്റം വരുത്തിയിരുന്നു. അശോകസ്തംഭത്തിനും ശംഖുമുദ്രയ്ക്കുമിടയിൽ “സത്യമേവ ജയതേ” രേഖപ്പെടുത്തണമെന്നായിരുന്നു സർക്കാരിന്റെ ഉത്തരവ്.
പക്ഷേ അതിനു മുൻപുള്ള പഴയ മുദ്ര മെഡലിൽ ഉപയോഗിച്ചതായി പരിശോധനയിൽ കണ്ടെത്തി. കൂടാതെ മുദ്രയുടെ അടിയിൽ “സത്യമേവ ജയതേ” രേഖപ്പെടുത്തിയതും നിർദേശവിരുദ്ധമാണ്.
സംഭവം പുറത്ത് വന്നതോടെ സാമൂഹികമാധ്യമങ്ങളിൽ പരിഹാസശരങ്ങൾ പൊഴിഞ്ഞു. ഒരു ഔദ്യോഗിക ആദരവ് പോലും ശരിയായി നിർമ്മിക്കാനാകാത്തതെന്താണെന്ന ചോദ്യങ്ങളും ഉയർന്നു.
സർക്കാരിന്റെ മുന്നറിയിപ്പ്
ഇനിമുതൽ ഇത്തരത്തിലുള്ള പിഴവുകൾ ആവർത്തിക്കാതിരിക്കാൻ കർശന ഗുണനിലവാര പരിശോധന നിർബന്ധമാക്കുമെന്നും ഇത്തരം ഷെയിംഫൂൾ പിഴവുകൾ ക്ഷമിക്കില്ലെന്നും സർക്കാർ മുന്നറിയിപ്പ് നൽകിയിരിക്കുന്നു.
English Summary
Kerala has blacklisted Bhagavathi Industries for one year after shocking spelling and emblem errors were found in the Chief Minister’s Police Medals.
