ചിപ്പി സ്പീക്കിംഗ് ഫ്രം ട്രിവാന്‍ഡ്രം

ദേവിന റെജി

ചുരുക്കം നാളുകള്‍ക്കൊണ്ട് മലയാളിപ്രേക്ഷകരുടെ പ്രിയങ്കരിയായി മാറിയ താരമാണ് ചിപ്പി. ഗോസിപ്പ്കോളത്തിലിടം പിടിക്കാതെ രഞ്ജിത്തിനൊപ്പം ഊഷ്മളമായ 22 വര്‍ഷം പിന്നിടുമ്പോള്‍ കൂട്ടായി മകള്‍ അവന്തികയും ഒപ്പം ചേരുന്നു.
സാന്ത്വനം എന്ന സീരിയലിലെ ദേവേട്ടത്തിയായി മിനിസ്‌ക്രീന്‍ പ്രേക്ഷകരുടെ ഹൃദയത്തില്‍ തന്റേതായ സ്ഥാനമുറപ്പിച്ച ചിപ്പി ന്യൂസ് ഫോറുമായി സംസാരിക്കുന്നു

 

സാന്ത്വനത്തിലെ പ്രിയപ്പെട്ട ദേവേട്ടത്തി

വളരെ പ്രാധാന്യത്തോടെ ഞാന്‍ ചെയ്യുന്ന ഒരു കഥാപാത്രമാണ് സാന്ത്വനത്തിലെ ശ്രീദേവി. ഈ ഒരു പ്രോജക്ട് വന്നസമയത്ത് ആ കഥ കേട്ടപ്പോള്‍ തന്നെ ആ കഥാപാത്രത്തെ എനിക്ക് ഒരുപാടിഷ്ടപ്പെട്ടു. ഇതുപോലൊരു കഥാപാത്രം ചെയ്യാന്‍ ആരും കൊതിക്കും. എന്നോട് വളരെ അടുത്തു നില്‍ക്കുന്ന ഒരാളായി തോന്നിയതുകൊണ്ടും അതിലധികം ഇഷ്ടപ്പെട്ടതുകൊണ്ടുമാണ് ഈ കഥാപാത്രം ചെയ്യാന്‍ തയാറായത്. ദേവേട്ടത്തിയായി ചെയ്തുതുടങ്ങിയതിന് ശേഷം പുറത്തെവിടെ പോയാലും എന്നെ കാണുന്ന പ്രേക്ഷകര്‍ ചോദിക്കുന്നത് ‘ഞങ്ങള്‍ക്കിങ്ങനെയൊരു ഏട്ടത്തി ഇല്ലാതെ പോയല്ലോ എന്നാണ്’.
ബാലന് സുഖമാണോ? അമ്മയ്ക്ക് സുഖമാണോ? അനിയന്മാര്‍ എന്തുചെയ്യുന്നു എന്നിങ്ങനെ സാന്ത്വനം വീട്ടിലെ വിശേഷങ്ങള്‍ ചോദിക്കുമ്പോള്‍ സത്യം പറഞ്ഞാല്‍ സന്തോഷമാണ്.. കാരണം ഈ സീരിയല്‍ കാണുന്ന പ്രേക്ഷകര്‍ അവരുടെ കുടുംബാംഗങ്ങള പോലെയാണ് ഞങ്ങളെ കാണുന്നത്. ഞങ്ങളുടെ ലൊക്കേഷനില്‍ പോലും സ്‌നേഹമുള്ള അനിയത്തിമാരും അനിയന്മാരുമായിട്ടാണ് ഞങ്ങള്‍ മുന്നോട്ട് പോകുന്നത്.

 

അന്നും ഇന്നും കാഴ്ചയില്‍ ഒരുപോലെ

ഏയ്, കാഴ്ചയില്‍ ഒരുപോലെയൊന്നുമല്ല, വ്യത്യാസമുണ്ട്. എപ്പോഴും കണ്ടുകൊണ്ടിരിക്കുന്നതുകൊണ്ട് അത് തോന്നുന്നില്ല എന്നേയുള്ളൂ. കാണാത്ത ഒരാളെ പെട്ടെന്ന് കാണുമ്പോള്‍ അയ്യോ ഒരുപാട് മാറിപ്പോയല്ലോ എന്ന് വിചാരിക്കും. പക്ഷേ എന്നെ സംബന്ധിച്ച് ചെറിയ ഗ്യാപ്പ് എടുക്കുന്നതൊഴിച്ചാല്‍ ഞാന്‍ സ്ഥിരമായി അഭിനയിക്കാറുണ്ട്. ഒന്നുരണ്ട് വര്‍ഷം അടുപ്പിച്ച് എന്നെ കാണുന്നതുകൊണ്ട് തോന്നുന്നതാണ്. കാഴ്ചയിലൊക്കെ വ്യത്യാസമുണ്ട്…

 

ആരും അസൂയപ്പെടുന്ന ദാമ്പത്യം

കണ്ണു വെയ്ക്കല്ലേ.. ഈശ്വരാനുഗ്രഹം കൊണ്ട് ജീവിതം നന്നായി പോകുന്നു. രഞ്ജിത്തേട്ടന്‍ ഒരുപാട് സപ്പോര്‍ട്ട് ചെയ്യുന്നുണ്ട്. അതുകൊണ്ടാണല്ലോ പലതരം കഥാപാത്രങ്ങളായി നിങ്ങളുടെ മുമ്പിലേക്ക് എനിക്ക് വരാന്‍ സാധിച്ചത്.
എല്ലാവരുടെയും ജീവിതത്തിലുണ്ടാകുന്നത് പോലെ ഞങ്ങളുടെ ജീവിതത്തിലും ഇണക്കങ്ങളും പിണക്കങ്ങളും ഉണ്ടാകാറുണ്ട്. ചെറിയ കാര്യങ്ങള്‍ക്കുപോലും പൊട്ടിത്തെറിക്കുന്ന സ്വഭാവമാണ് എന്റേത്. ചിട്ടയായ ജീവിതശൈലിയാണ് രഞ്ജിത്തേട്ടന്റേത്. എന്റേത് നേരെ തിരിച്ചും. ഞങ്ങള്‍ തമ്മിലുള്ള വഴക്ക് കേള്‍ക്കുന്നവര്‍ വിചാരിക്കുന്നത് അല്പസമയത്തിനകം രണ്ടുപേരും അടിച്ചുപിരിയുമെന്നാണ്. പക്ഷേ ഞങ്ങള്‍ക്കിടയിലെ വഴക്ക് താഴെ ഡൈനിംഗ്‌റൂമില്‍ തീരും.

ഉള്ളില്‍ നിറയെ സ്‌നേഹമുണ്ടെങ്കിലും പുറത്ത് പ്രകടിപ്പിക്കാത്ത സ്വഭാവക്കാരനാണ് ഏട്ടന്‍. പുറത്തുനിന്ന് ഫുഡ് കഴിക്കില്ല. പുറത്തുപോയിട്ട് വരുമ്പോള്‍ എനിക്കും മോള്‍ക്കും ഫുഡ് പാഴ്‌സലായി വാങ്ങും. പക്ഷേ ഏട്ടന്‍ എത്ര മണി രാത്രിയായാലും വീട്ടില്‍ വന്നേ ഭക്ഷണം കഴിക്കൂ.

വിവാഹം കഴിഞ്ഞ് അഭിനയിക്കുന്ന നടിമാര്‍ക്കൊക്കെയും അവരുടെ കുടുംബം നല്‍കുന്ന പിന്തുണ എടുത്തുപറയേണ്ടതാണ്. കാരണം വേറെ ഒരു ജോലിയും പോലെ കൃത്യസമയം അഭിനയത്തിന്റെ കാര്യത്തില്‍ നമുക്ക് പറയാന്‍ സാധിക്കില്ല. ഷൂട്ട് കഴിയാന്‍ ചിലപ്പോള്‍ ഒരുപാട് ലേറ്റായെന്ന് വരും. അല്ലെങ്കില്‍ പുലര്‍ച്ചെയാകാം. പബ്‌ളിക് ഹോളിഡേയ്‌സോ ഞായറാഴ്ച വീട്ടുകാര്യങ്ങളൊക്കെ നോക്കി ഇരിക്കാനോ ഒന്നും പറ്റില്ല. പിന്നെ എന്നെ സംബന്ധിച്ച് ഞങ്ങളുടെ ഷൂട്ടെല്ലാം തിരുവനന്തപുരത്ത് ആയതുകൊണ്ടും ഞങ്ങളുടെ തന്നെ സ്വന്തം പ്രോജക്ട് ആയതുകൊണ്ടും എന്തെങ്കിലും അത്യാവശ്യത്തിന് വീട്ടില്‍ പോകേണ്ടതായിട്ട് വന്നാല്‍ എന്റെ ഷൂട്ട് തീര്‍ത്ത് വച്ചിട്ട് ഇറങ്ങാന്‍ പറ്റും. സാധാരണഗതിയില്‍ ഓണമാണെങ്കിലും ക്രിസ്തുമസ് ആണെങ്കിലും എപ്പിസോഡ് പോകേണ്ടിവന്നാല്‍ ഷൂട്ട് ചെയ്‌തേ മതിയാകൂ. ഇങ്ങനെയുള്ളതിനൊക്കെ മുന്നിട്ടിറങ്ങണമെങ്കില്‍ കുടുംബത്തിന്റെ പിന്തുണ കൂടിയേ തീരു.. അക്കാര്യത്തില്‍ ഞാന്‍ ഭാഗ്യവതിയാണ്. പിന്നെ ഇപ്പോ എന്റെ അമ്മയും വീട്ടിലുണ്ട്. കാരണം രാവിലെ ഷൂട്ടിംഗിനായി ഇറങ്ങി കഴിഞ്ഞാല്‍ വീട്ടിലെ കാര്യങ്ങളെല്ലാം ചിലപ്പോ എനിക്ക് നോക്കാന്‍ കഴിഞ്ഞെന്ന് വരില്ല. അമ്മ അതൊക്കെ നന്നായി ചെയ്യുന്നതുകൊണ്ടുകൂടിയാണ് എനിക്ക് ഇങ്ങനെ സീരിയില്‍ ചെയ്യാനായി സാധിക്കുന്നത്.

 

സിനിമയിലേക്ക് ഒരു തിരിച്ചുവരവ്

ഇപ്പോ ഞാന്‍ അതിനെ കുറിച്ച് ആലോചിച്ചിട്ടില്ല. കാരണം ഞാന്‍ കുറച്ച് ഫ്രീയായത് ഈ അടുത്ത സമയങ്ങളിലാണ്. മോള് ഡിഗ്രി കഴിഞ്ഞു. അവള്‍ക്കിപ്പോ ജോലിയായി. ഇനി ഇപ്പോ അവള് മാസ്‌റ്റേഴ്‌സ് ചെയ്യാന്‍ പോകുവാണ്. അവളുടേതായ കാര്യങ്ങള്‍ സ്വയം ചെയ്യാനുള്ള പ്രാപ്തി ഇപ്പോ മോള്‍ക്കുണ്ട്. ചെറിയ കുട്ടി ആയിരുന്നപ്പോള്‍ മോളെ വിട്ടിട്ട് ഔട്ട് ഡോര്‍ ഷൂട്ടിനൊക്കെ പോകാനും കുറച്ച്ദിവസങ്ങളൊക്കെ വീട്ടില്‍ നിന്ന് മാറിനില്‍ക്കാനുമൊക്കെ എനിക്ക് ബുദ്ധിമുട്ടായിരുന്നു. അങ്ങനെ നോക്കിയാല്‍ സീരിയല്‍ കുറച്ചുകൂടി സൗകര്യമാണ്. കാരണം ലൊക്കേഷനും വീടുമൊക്കെ തിരുവനന്തപുരത്ത് ആതുകൊണ്ട് ഷൂട്ട് കഴിഞ്ഞ് വൈകിട്ട് വീ്ട്ടിലെത്താം. പിന്നെ സിനിമയില്‍ പേരിന് വേണ്ടി അഭിനയിക്കേണ്ട കാര്യമില്ലല്ലോ.. നല്ലത് വന്നാല്‍ നോക്കാം എന്നേയുള്ളൂ. ഓരോരുത്തര്‍ക്കും ഓര്‍ത്തിരിക്കാന്‍ പറ്റിയ മികച്ച കഥാപാത്രങ്ങള്‍ എനിക്ക് ടെലിവിഷന്‍ സീരിയലില്‍ ചെയ്യാന്‍ പറ്റി.

 

ഓണ വിശേഷങ്ങള്‍?

എല്ലാ ഓണക്കാലവും സന്തോഷം തരുന്നതാണല്ലോ.. കുടുംബത്തിനായും ബന്ധുക്കള്‍ക്കായും സുഹൃത്തുക്കള്‍ക്കായുമൊക്കെ കുറച്ച് ദിവസങ്ങള്‍ സന്തോഷത്തോടെ ചിലവഴിക്കുന്നതല്ലേ ഓണക്കാലം. സാധാരണയായി എവിടെയെങ്കിലും പോയിട്ട് വരുമ്പോള്‍ അടുത്ത ഓണത്തിന് കാണാം എന്നല്ലേ പറയുന്നത്. ഓരോ ഓണവും ഓരോ തരത്തില്‍ പ്രിയപ്പെട്ടതാണ്.

 

 

കുടുംബങ്ങള്‍ തമ്മിലുള്ള ഒത്തുചേരലുകളും ഉണ്ടാകണമല്ലോ. അതുകൊണ്ട് എല്ലാവരെയും പോലെ ഞങ്ങളും സദ്യയുണ്ടാക്കി കഴിച്ചിട്ട് രഞ്ജിത്തേട്ടന്റെ നാടായ പത്തനംതിട്ടയിലേക്ക് പോകും. അവിടെ ഏട്ടന്റെ സഹോദരനും കുടുംബവുമുണ്ട്. പിന്നെ കുടുംബാംഗങ്ങളൊക്കെ വീട്ടിലേക്ക് വരും. പൊതുവെ എല്ലാക്കൊല്ലവും അങ്ങനെതന്നെയാണ്.

കഴിഞ്ഞ വര്‍ഷത്തെ ഓണത്തിനൊന്നും ക്ലാസുള്ളതുകൊണ്ട് മോള്‍ക്ക് വരാന്‍ പറ്റിയിട്ടുണ്ടായിരുന്നില്ല. അതുകൊണ്ട് ഞങ്ങള്‍ മാത്രമായിട്ടുള്ള ഓണാഘോഷമേ ഉണ്ടായിരുന്നുള്ളൂ. ഇത്തവണ മോള്‍ വീട്ടിലുണ്ട്. മാത്രമല്ല, ഓണത്തിന്റെ സമയത്തൊക്കെ സാന്ത്വനത്തിന്റെ ഷൂട്ടിംഗുണ്ട്.

spot_imgspot_img
spot_imgspot_img

Latest news

അനിശ്ചിതത്വം നീങ്ങി; തൃശൂരിൽ ജോസഫ് ടാജറ്റ് ഡിസിസി അധ്യക്ഷന്‍

തൃശൂര്‍: തൃശൂരിലെ ഡിസിസി അധ്യക്ഷനായി ജോസഫ് ടാജറ്റിനെ തെരഞ്ഞെടുത്തു. കോണ്‍ഗ്രസ് അധ്യക്ഷന്‍...

പാർക്കിം​ഗിനെ ചൊല്ലി തർക്കം; കൊല്ലത്ത് മദ്യഷോപ്പിന് മുന്നിൽ കൂട്ടയടി

കൊല്ലം: കൊല്ലത്ത് ബിവറേജസ് ഷോപ്പിന് മുന്നിൽ യുവാക്കൾ ഏറ്റുമുട്ടി. പാർക്കിം​ഗിനെ ചൊല്ലിയാണ്...

നിലമ്പൂരിൽ ഉത്സവത്തിനെത്തിച്ച ആന ഇടഞ്ഞു; സ്കൂട്ടറും വീടിന്‍റെ മതിലും തകർത്തു

മലപ്പുറം: നിലമ്പൂരിൽ ആനയിടഞ്ഞു. മാരിയമ്മൻകോവിൽ ഉത്സവത്തിന് കൊണ്ടുവന്ന ബ്രഹ്മണിയ വീട്ടിൽ ഗോവിന്ദൻകുട്ടിയാണ്...

താമരശ്ശേരിയിൽ കാറും ട്രാവലറും കൂട്ടിയിടിച്ചു; നിരവധിപേർക്ക് പരിക്ക്

കോഴിക്കോട്: കാറും ട്രാവലറും കൂട്ടിയിടിച്ച് നിരവധിപേർക്ക് പരിക്ക്. താമരശ്ശേരി കൈതപൊയിലിലാണ് അപകടമുണ്ടായത്....

മലപ്പുറത്ത് യുവാവിനെ 18 കാരൻ വെട്ടിപ്പരിക്കേൽപിച്ചു, പ്രതി കീഴടങ്ങി

മലപ്പുറം: യുവാവിനെ പതിനെട്ടുകാരൻ വെട്ടിപ്പരിക്കേൽപ്പിച്ചു. മലപ്പുറം വീണാലുക്കലിലാണ് സംഭവം. വീണാലുക്കൽ സ്വദേശിയായ...

Other news

പ്ലാസ്റ്റിക്കിലേക്ക് മടങ്ങൂ… പേപ്പർ സ്ട്രോക്കെതിരെ വിമർശനവുമായി ട്രംപ്

വാഷിങ്ടൻ: പേപ്പർ സ്ട്രോകളെ വിമർശിച്ച് യുഎസ് പ്രസിഡന്റ് ‍ഡോണൾഡ് ട്രംപ്. ബൈഡൻ...

താമരശ്ശേരിയിൽ കാറും ട്രാവലറും കൂട്ടിയിടിച്ചു; നിരവധിപേർക്ക് പരിക്ക്

കോഴിക്കോട്: കാറും ട്രാവലറും കൂട്ടിയിടിച്ച് നിരവധിപേർക്ക് പരിക്ക്. താമരശ്ശേരി കൈതപൊയിലിലാണ് അപകടമുണ്ടായത്....

നൃത്ത പരിപാടിക്കായി പോകവേ അപകടം; റിയാലിറ്റിഷോ താരമായ മലയാളി നൃത്ത അധ്യാപികയ്ക്ക് ദാരുണാന്ത്യം

വാഹനാപകടത്തിൽ നൃത്ത അധ്യാപികയ്ക്ക് ദാരുണാന്ത്യം.മാനന്തവാടിയിൽ എബിസിഡി എന്ന നൃത്ത വിദ്യാലയം നടത്തിവന്നിരുന്ന...

എ​ല​പ്പു​ള്ളി ബ്രൂ​വ​റി മു​ന്നോ​ട്ട് ത​ന്നെ,​ ടോ​ളി​നോ​ട് പൊ​തു​വേ യോ​ജി​പ്പി​ല്ല; നയം വ്യക്തമാക്കി സി​പി​എം സം​സ്ഥാ​ന സെ​ക്ര​ട്ട​റി

പാ​ല​ക്കാ​ട്: എ​ല​പ്പു​ള്ളി ബ്രൂ​വ​റി​യു​മാ​യി മു​ന്നോ​ട്ട് ത​ന്നെ​യെ​ന്ന് സി​പി​എം സം​സ്ഥാ​ന സെ​ക്ര​ട്ട​റി എം.​വി....

കൊച്ചിയിൽ ട്രാൻസ് വുമണിന് ക്രൂരമർദനം; ഇരുമ്പ് വടികൊണ്ട് അടിയേറ്റു

കൊച്ചി: കൊച്ചിയിൽ ട്രാൻസ് വുമണിന് ക്രൂരമർദനം. വെളളിയാഴ്ച പുലർച്ചെ രണ്ട് മണിയോടെ...

ഡൽഹിയിലെ വിജയാഘോഷത്തിനിടെ പ്രവർത്തകന് ദേഹാസ്വാസ്ഥ്യം; പ്രസംഗം നിർത്തി വെച്ച് പ്രധാനമന്ത്രി

ന്യൂഡൽഹി: ഡൽഹി നിയമസഭാ തിരഞ്ഞെടുപ്പിലെ വിജയാഘോഷ വേളയിൽ പ്രസംഗം നിർത്തി വെച്ച്...

Related Articles

Popular Categories

spot_imgspot_img