തിരുവനന്തപുരം: മംഗലപുരത്ത് നിന്ന് തട്ടിക്കൊണ്ടുപോയ വിദ്യാര്‍ഥിയെ കണ്ടെത്തി. കീഴാറ്റിങ്ങലിൽ റബർ തോട്ടത്തിൽ തടഞ്ഞുവെച്ചിരുന്ന കുട്ടിയെ പോലീസ് എത്തി രക്ഷപ്പെടുത്തുകയായിരുന്നു. സംഭവത്തിൽ നാലംഗ സം​ഘത്തിലെ രണ്ട് പേര്‍ പിടിയിലായി. കാറിലെത്തിയ നാലം​ഗ സംഘം വിദ്യാര്‍ഥിയെ വീട്ടിൽ നിന്ന് വിളിച്ചിറക്കി ബലമായി കാറിൽ കയറ്റി കൊണ്ടു പോവുകയായിരുന്നു. രാത്രി 7:45 ഓടുകൂടിയാണ് സംഭവം. പിന്നാലെ ബന്ധുക്കൾ മംഗലപുരം പൊലീസിൽ പരാതി നൽകിയതിനെ തുടർന്ന് പൊലീസ് കേസെടുത്ത് അന്വേഷണം നടത്തിയിരുന്നു.