ആലപ്പുഴ: കെഎസ്ആര്‍ടിസി ബസിലേക്ക് കാര്‍ ഇടിച്ചുകയറി അഞ്ചു മെഡിക്കൽ വിദ്യാർഥികൾ മരിച്ചു. ആലപ്പുഴ കളർകോടാണ് അപകടമുണ്ടായത്. ഏഴു പേരാണ് കാറിൽ സഞ്ചരിച്ചിരുന്നത്.(Car accident in alappuzha; Five medical students died) ഓവർ ടേക്ക് ചെയ്യുന്നതിനിടെ കാർ കെഎസ്ആർടിസി ഫാസ്റ്റ് പാസഞ്ചർ ബസിലേക്ക് കാർ ഇടിച്ചു കയറുകയായിരുന്നു എന്നാണ് വിവരം. അപകടത്തിൽ കാർ പൂർണമായും തകർന്നു. കാർ വെട്ടിപ്പൊളിച്ചാണ് വിദ്യാർത്ഥികളെ പുറത്തെടുത്തത്. വണ്ടാനം മെഡിക്കൽ കോളജിലെ ഒന്നാം വർഷ മെഡിക്കൽ വിദ്യാർഥികളാണ് അപകടത്തിൽപ്പെട്ടത്. രണ്ടുപേരുടെ നില ഗുരുതരമാണ്.