തിരുവനന്തപുരം: ബക്രീദ് പ്രമാണിച്ച് സംസ്ഥാനത്ത് നാളെയും മറ്റന്നാളും പൊതു അവധി പ്രഖ്യാപിച്ച് സംസ്ഥാന സര്ക്കാര്. കേരളത്തില് വലിയ പെരുന്നാള് (ബക്രീദ്) 29ന് ആഘോഷിക്കാന് തീരുമാനിച്ചത് കണക്കിലെടുത്താണ് നാളത്തെ അവധിക്ക് പുറമേ മറ്റന്നാള് കൂടി സംസ്ഥാന സര്ക്കാര് അവധി പ്രഖ്യാപിച്ചത്.
28ലെ അവധി 29ലേക്ക് മാറ്റാനാണ് പൊതുഭരണ വകുപ്പില്നിന്നു മുഖ്യമന്ത്രിക്കു ശുപാര്ശ പോയത്. വിവിധ മുസ്ലിം സംഘടനകള് മുഖ്യമന്ത്രിയോട് ആവശ്യപ്പെട്ടതു കണക്കിലെടുത്ത് 28നും 29നും അവധി നല്കുകയായിരുന്നു.
