പത്തനംതിട്ട: കരോള് സംഘത്തിന് നേരെ സാമൂഹിക വിരുദ്ധരുടെ ആക്രമണം.തിരുവല്ല കുമ്പനാട്ട് ആണ് സംഭവം. സ്ത്രീകള് അടക്കം എട്ട് പേര്ക്ക് പരിക്കേറ്റു.
കുമ്പനാട് എക്സോഡസ് ചര്ച്ച് കരോള് സംഘത്തിന് നേരെയായിരുന്നു ആക്രമണം നടന്നത്. പത്തിലധികം പേർ വരുന്ന സംഘം അകാരണമായി ആക്രമിച്ചു എന്നാണ് കരോള് സംഘത്തിന്റെ പരാതി.
പ്രദേശവാസികളായ ആളുകള് തന്നെയാണ് പ്രശ്നമുണ്ടാക്കിയതെന്നും വൈകാതെ അവരെ പിടികൂടുമെന്നും കോയിപ്രം പൊലീസ് പറഞ്ഞു.
