ന്യൂഡല്ഹി: ട്രെയിന് ടിക്കറ്റ് നിരക്കില് 25 ശതമാനം ഇളവ് നല്കാന് റെയില്വേ. എസി ചെയര്കാര്, എക്സിക്യൂട്ടീവ് ക്ലാസ് എന്നിവയിലാണ് ഇളവ് നല്കുക. ഇളവ് ഒരുമാസത്തിനിടെ 50 ശതമാനം സീറ്റുകള് ഒഴിവുള്ള ട്രെയിനുകള്ക്കായിരിക്കും ഇളവ് നല്കുക. ഇളവ് ഒരുമാസത്തിനകം പ്രാബല്യത്തില് വരും. വന്ദേഭാരതിന് ഉള്പ്പെടെ ബാധകമായിരിക്കും.
അനുഭൂതി, വിസ്റ്റാഡോം കോച്ചുകള് ഉള്പ്പെടെ എസി സിറ്റിംഗ് സൗകര്യമുള്ള എല്ലാ ട്രെയിനുകളുടെയും എസി ചെയര് കാര്, എക്സിക്യൂട്ടീവ് ക്ലാസുകളില് ഈ സ്കീം ബാധകമായിരിക്കും. അടിസ്ഥാന നിരക്കില് പരമാവധി 25% വരെയാണ് ഇളവ് നല്കുക. റിസര്വേഷന് ചാര്ജ്, സൂപ്പര് ഫാസ്റ്റ് സര്ചാര്ജ്, ജിഎസ്ടി മുതലായവ ബാധകമായ മറ്റ് നിരക്കുകള് പ്രത്യേകം ഈടാക്കും. താമസത്തിന്റെ അടിസ്ഥാനത്തില് ഏതെങ്കിലും അല്ലെങ്കില് എല്ലാ ക്ലാസുകളിലും കിഴിവ് നല്കാം. ഈ സ്കീമിന്റെ വ്യവസ്ഥ 1 വര്ഷം വരെ ബാധകമായിരിക്കും.
അതേസമയം, ഇതിനോടകം ബുക്ക് ചെയ്ത ടിക്കറ്റുകള്ക്ക് റീഫണ്ട് ലഭിക്കില്ല. അവധിക്കാല, ഉത്സവ സ്പെഷ്യലുകള് തുടങ്ങിയ പ്രത്യേക ട്രെയിനുകളിലും ഈ ഡിസ്കൗണ്ട് ലഭിക്കില്ലെന്ന് റെയില്വേ അറിയിക്കുന്നു. ഇളവ് അവതരിപ്പിക്കുന്നതിനുള്ള അധികാരം സോണല് റെയില്വേയെ ഏല്പ്പിക്കാനാണ് റെയില്വേ മന്ത്രാലയത്തിന്റെ തീരുമാനം.
